«Լիլի» 25-ամյա հարձակվող Ջոնաթան Դևիդը 5-ամյա պայմանագիր է կնքել Թուրինի «Յուվենտուսի» հետ, որն ուժի մեջ կլինի մինչև 2030 թվականի հունիսը։
Դևիդը թուրինյան ակումբին միացել է ազատ գործակալի կարգավիճակով՝ «Լիլի» հետ պայմանագրի ավարտից հետո։
«Յուվենտուսը» նշել է, որ ֆուտբոլիստի գրանցման հետ կապված կլինեն լրացուցիչ ծախսեր՝ 12.5 միլիոն եվրո, որոնք կվճարվեն երեք ֆինանսական տարվա ընթացքում։
Կանադայի հավաքականի հարձակվողը Լիգա 1-ի ավարտված մրցաշրջանում խփել է 16 գոլ՝ դառնալով «Լիլի» լավագույն ռմբարկուն։
