«Լիվերպուլի» ավագ Վիրջիլ վան Դայկը մոտենում է կարիերայի խաչմերուկին. մերսիսայդյան ակումբի հետ նրա գործող պայմանագրի ժամկետը լրանում է 2026/2027 մրցաշրջանի ավարտին։
Ինչպես հաղորդում է El Nacional պարբերականը, նիդերլանդցի պաշտպանը ցանկանում է տեղափոխվել «Բարսելոնա» և կարիերան ավարտելուց առաջ ևս մեկ-երկու տարի հանդես գալ կատալոնական ակումբում։ Սպասվում է, որ նա «Կամպ Նոու» կտեղափոխվի ազատ գործակալի կարգավիճակով։
Աղբյուրը նաև նշում է, որ «Լիվերպուլն» իր հերթին կարող է 55 միլիոն եվրոյի դիմաց գնել «Բարսելոնայի» պաշտպան Ռոնալդ Արաուխոյի տրանսֆերը: Բնականաբար, ակումբների միջև այս երկու հնարավոր գործարքներն իրար հետ որևէ կապ չեն ունենա, քանի որ Վան Դայկի պայմանագրի ժամկետն ավարտվում է, և նա կարող է հեռանալ անվճար:
Հավելենք, որ հաջորդ ամռանը փորձառու խաղացողը կդառնա 36 տարեկան:
