Այսօր թոփ-5 և մի շարք եվրոպական առաջատար լիգաներում տրանսֆերային պատուհանի վերջին օրերն են. որոշ առաջնություններում այն փակվում է սեպտեմբերի մեկին, իսկ մյուսներում՝ օգոստոսի 31-ին։
Առաջարկում ենք միասին հետևել եվրոպական տրանսֆերային անցուդարձին՝ առանձնացնելով ամենահետաքրքիր և կարևոր գործարքները։
⏳23։27/ 01․09 «Բարսելոնայի» պաշտպան Սերժինյո Դեստը և «Վոլֆսբուրգի» 19-ամյա կիսապաշտպան Աստեր Վրանկսին վարձակալությամբ տեղափոխվեցին «Միլան»։ Մանրամասները՝ ԱՅՍՏԵՂ։
⏳21։20/ 01․09«Ուրարտու» ֆուտբոլային ակումբը և պաշտպան Եվգենի Նազարովը երկկողմ համաձայնությամբ խզել են աշխատանքային պայմանագիրը։
⏳20։57/ 01․09․ Սլովակիայի հավաքականի դարպասապահ Մարտին Դուբրավկան, որի իրավունքները պատկանում են «Նյուքասլին», վարձավճարով տեղափոխվեց ՄՅՈՒ։ Մանրամասները՝ ԱՅՍՏԵՂ։
⏳20։35/ 01․09․ Բրազիլացի վինգեր Վիլիանը դարձել է «Ֆուլհեմի» խաղացող։ Մանրամասները՝ ԱՅՍՏԵՂ։
⏳18։41/ 01․09․ Արսեն Զախարյանը մնում է «Դինամոյում»՝ չնայած «Չելսիի» կողմից հետաքրքրվածությանը։ Մանրամասները՝ ԱՅՍՏԵՂ։
⏳18։15/ 01․09․ «Փյունիկ» ՖԱ-ն նոր համալրում ունի։ Վարձավճարի ավարտից հետո թիմ է վերադարձել Գրենիկ Պետրոսյանը։ Մանրամասները՝ ԱՅՍՏԵՂ։
⏳18։15/ 01․09. ✍️ Պաշտոնական․ Բարսելոնան խզեց պայմանագիրը Բրեյթուեյթի հետ։ Մանրամասները՝ ԱՅՍՏԵՂ։
⏳17:30/ 01․09.«Յուվենտուսի» և Խորվաթիայի հավաքականի վինգեր Մարկո Պյացան վարձավճարով տեղափոխվել է իտալական ակումբ․ Մանրամասներն՝ այստեղ։
⏳17:00/ 01․09. Կամերունի հավաքականի և «Լանսի» հարձակվող Իգնատիուս Գանագոն կարիերան կշարունակի «Նանտում»․ տրանսֆերի արժեքը կազմել է 4,4 մլն եվրո։
⏳17:00/ 01․09. «Վուվերհեմփթոնի» իվուարցի պաշտպան Վիլի Բոլին տեղափոխվեց «Նոթինգհեմ»․ գործարքի արժեքը կազմել է 2,5 մլն եվրո։
⏳16:41/ 01․09. Լեհաստանի հավաքականի հարձակվող Քշիշտոֆ Պյոնտեկը վերադարձավ Ա Սերիա․ Մանրամասներն՝ այստեղ։
⏳15:28/ 01․09. «Լեսթերը» նոր պաշտպան ունի․ Մանրամասներն՝ այստեղ։
⏳15:18/ 01․09. Նորվեգիայի հավաքականի հարձակվող Յուրգեն Ստրանդ Լարսենը «Գրոնինգհենից» տեղափոխվեց «Սելտա»․ գործարքի արժեքը կազմել է 11 մլն եվրո։
⏳15:00/ 01․09. Իսկ ահա պաշտպան Յոշկո Գվարդիոլը երկարաձգել է պայմանագիրը «Լայպցիգի» հետ։ Ակումբի մամուլի ծառայության հաղորդմամբ՝ նոր պայմանագիրը ուժի մեջ կլինի մինչեւ 2027 թվականը։ Նրա ծառայություններով հետաքրքրված էին անգլիական գրանդ ակումբները։
⏳14:41/ 01․09. Անգլիայի հավաքականի նախկին պաշտպան Դենի Ռոուսը հեռացել է «Ուոթֆորդից»․ այս պահի դրությամբ նա ազատ գործակալի կարգավիճակ ունի։
⏳14:32/ 01․09. Իսպանացի կիսապաշտպան Օրիել Ռոմեուն «Սաութհեմփթոնից» տեղափոխվեց «Ժիրոնա»․ գործարքի մանրամասները չեն հաղորդվում։
⏳13:30/ 01․09. «Մանչեսթեր Սիթին» ևս մեկ նորեկ ունի․ Մանրամասներն՝ այստեղ։
⏳12:54/ 01․09. Բալետոլին նոր ակումբ ունի
⏳12:45/ 01․09. Դանիայի հավաքականի հարձակվող Կասպեր Դոլբերգը կարիերան կշարունակի Լա Լիգայում։ Մանրամասներն՝ այստեղ։
⏳12:45/ 01․09. Ուկրաինացի Մարիան Շվեդը «Մեխելենից» տեղափոխվել է «Շախտյոր»․ տրանսֆերի արժեքը կազմել է 1 մլն եվրո։
⏳11:00/ 01․09. Բելգիացի ֆուտբոլիստ Ադնան Յանուզայը 4 տարվա պայմանագիր է կնքել «Սևիլիայի» հետ, հայտնում է ակումբի պաշտոնական կայքը։
⏳10:50/ 01․09. «Ասթոն Վիլայի» հարձակվողական ոճի կիսապաշտպան Անվար Էլ Գազին լքել է Անգլիայի Պրեմիեր լիգան ու տեղափոխվել Նիդեռլանդների առաջնություն։ 27-ամյա ֆուտբոլիստի նոր աշխատավայրը դարձավ ՊՍՎ Էյնդհովենը։ Ինչպես հայտնում է ակումբի պաշտոնական կայքը, վինգերի հետ երկարաժամկետ աշխատանքային պայմանագիր է կնքվել մինչև 2025 թվականի կեսերը։
⏳10:44/ 01․09. «Այաքսը» նորեկ ունի․
⏳08:08/ 01․09. ԱՄՆ-ի հավաքականի հարձակվող Ռիկարդո Պոպին «Աուգսբուրգից» տեղափոխվել է «Գրոնինգեն»․ ֆուտբոլիստը նոր ակումբում մրցաշրջանը կանցկացնի վարձավճարով։
⏳20:35/ 31․08. Պաշտոնական․ Լեանդրո Պարեդեսը կարիերան կշարունակի Յուվենտուսում
«Յուվենտուսը» հայտարարել է Լեանդրո Պարեդեսի տեղափոխության մասին։ Թուրինյան ակումբը վարձակալել է ՊՍԺ-ի և Արգենտինայի ազգային հավաքականի կիսապաշտպանին։ Մանրամասները՝ ԱՅՍՏԵՂ։
⏳19:35/ 31․08. Պաշտոնական․ Փյունիկի առաջիկա մրցակիցը ձեռք է բերել Ռոմայի ֆուտբոլիստին
Կոնֆերենցիաների լիգայի խմբային փուլի առաջին տուրում Հայաստանի չեմպիոն «Փյունիկը» կհյուրընկալվի «Բազելին»։ Շվեյցարական ակումբը ձեռք է բերել «Ռոմայի» ֆուտբոլիստին։ Մանրամասները՝ ԱՅՍՏԵՂ։
⏳19:00/ 31․08. Ռոման հայտարարել է նոր տրանսֆերի մասին
«Ռոման» նորեկ ունի։ Իտալական ակումբը վարձակալել է «Օլիմպիակոսի» կիսապաշտպան Մեդի Կամարային։ Այս մասին հայտնում է «Գայլերի» պաշտոնական կայքը։ Մանրամասները՝ ստորև․
⏳17:00/ 31․08. Պաշտպան Ուեսլի Ֆոֆանան հեռացել է «Լեսթերից» և տեղափոխվել «Չելսի»:
Այս մասին հայտնում է լոնդոնյան ակումբի մամուլի ծառայությունը։ Մայրաքաղաքային թիմի հետ ֆուտբոլիստի պայմանագիրը նախատեսված է 7 տարով։ 21-ամյա ֆրանսիացին կդառնա համաշխարհային ֆուտբոլի ամենաթանկարժեք պաշտպանը։ Ֆոֆանայի տրանսֆերի համար «Չելսին» «Լեսթերին» նախապես կվճարի 82,5 միլիոն եվրո, սակայն գործարքը ներառում է նաև բոնուսներ։ Դրանց ակտիվացումից հետո Ֆոֆանայի արժեքը կգերազանցի պաշտպանների շրջանում ներկայիս տրանսֆերային ռեկորդը՝ 87 միլիոն եվրոն, որը «Մանչեսթեր Յունայթեդը» վճարեց նույն «Լեսթերին»՝ Հարի Մագուայրի համար 2019 թվականին։
⏳14:41/ 31․08. «Վուլվերհեմփթոնը» պայմանագիր է կնքել Ավստրիայի հավաքականի հարձակվող Սաշա Կալայջիչի հետ։ Անգլիական ակումբը ֆուտբոլիստի տրանսֆերի դիմաց «Շտուտգարտին» վճարել է 18 մլն եվրո։ 25-ամյա հարձակվողի հետ, ում հասակը 2 մետր է, կնքվել է 5 տարվա պայմանագիր։
⏳12:45/ 31․08. Ֆրանսիացի հարձակվող Նաթհան Նգոումուն «Թուլուզից» տեղափոխվել է Մյոնխենգլադբախի «Բորուսիա»․ տրանսֆերի արժեքը կազմել է 8 մլն եվրո։
⏳12:08/ 31․08. Դանիայի հավաքականի հարձակվող Անդրեաս Կորնելիուսը կարիերան կշարունակի հայրենիքում․ ֆուտբոլիստը պայմանագիր է կնքել «Կոպենհագենի» հետ։
⏳10:28/ 31․08. Լոնդոնի «Ֆուլհեմը» չկարողացավ պայմանագիր կնքել հոլանդացի հարձակվող Ջասթին Կլյուվերտի հետ, ում տրանսֆերային իրավունքները պատկանում է «Ռոմային»։ Այս մասին հայտնում են The Athletic-ը։ Աղբյուրի փոխանցմամբ՝ գործարքը չի կայացել այն պատճառով, որ 23-ամյա խաղացողին մերժել են աշխատանքի թույլտվություն ստանալու համար։
⏳10:25/ 31․08. Իրանի հավաքականի հարձակվող Կարիմ Անսաֆարիդը հունական ԱԵԿ-ից տեղափոխվեց Կիպրոսի «Օմոնիա»՝ ազատ գործակալի կարգավիճակով։
⏳09:41/ 31․08. «Սամպդորիան» հայտարարել է «Տոտենհեմի» կիսապաշտպան Հարի Ուինքսի հետ պայմանագիր կնքելու մասին։ Իտալական ակումբը 26-ամյա անգլիացուն մեկ մրցաշրջանով վարձակալել է՝ ամբողջական տրանսֆերը գնելու հնարավորությամբ։
⏳09:21/ 31․08. Կիսապաշտպան Ֆաբիան Ռուիսը «Նապոլիից» տեղափոխվել է ՊՍԺ, հայտնում է ֆրանսիական ակումբի պաշտոնական կայքը։
26-ամյա իսպանացի ֆուտբոլիստի պայմանագիրը նախատեսված է մինչև 2027 թվականը։ Տրանսֆերի գումարը կկազմի 24 մլն եվրո՝ ներառյալ բոնուսները։ Ռուիսը մեկ մրցաշրջանում կվաստակի 5 միլիոն եվրո։ Նախորդ մրցաշրջանում Ռուիսը «Նապոլիի» կազմում անցկացրած 38 խաղում դարձել է 7 գոլի և 5 գոլային փոխանցման հեղինակ։
⏳09:18/ 31․08. «Բավարիայի» ֆուտբոլիստ Ջոշուա Զիրկզեն տեղափոխվել է իտալական «Բոլոնիա»: Այս մասին պաշտոնապես հայտնում է իտալական ակումբի մամուլի ծառայությունը․ թիմը մարզում է սերբ մասնագետ Սինիշա Միխայլովիչը։ Խոսքը լիարժեք տրանսֆերի մասին է․ Զիրկզեն իտալական ակումբի հետ լիարժեք պայմանագիր է կնքել չորս տարի ժամկետով։ Մինչ այս հոլանդացի ֆուտբոլիստը վարձավճարով հանդես է եկել այնպիսի ակումբներում, ինչպիսիք են բելգիական «Անդերլեխտը», ինչպես նաև «Պարման»։