Աշխարհի 2026 թվականի առաջնության B խմբի շրջանակում Շվեյցարիայի և Կատարի ազգային հավաքականները չկարողացան պարզել հաղթողին. արձանագրվեց մարտական ոչ-ոքի՝ 1:1 հաշվով։
Հանդիպումը կայացել է ԱՄՆ-ի Սանտա Կլարա քաղաքի «Լիվայս» մարզադաշտում և աչքի է ընկել չափազանց լարված ու դրամատիկ հանգուցալուծմամբ։
Խաղի հաշիվը բավականին արագ՝ արդեն 17-րդ րոպեին, բացեց շվեյցարացիների հարձակվող Բրել Էմբոլոն՝ անվրեպ իրացնելով նշանակված 11-մետրանոց հարվածը։ Թվում էր՝ Շվեյցարիան վստահորեն մոտենում է նվազագույն հաշվով հաղթանակին, սակայն կատարցիները պայքարեցին մինչև վերջ։
Հանդիպման հիմնական ժամանակին ավելացված 5-րդ րոպեին (90+5′) Կատարի ընտրանու պաշտպան Բուալեմ Խուխին կարողացավ գրավել մրցակցի դարպասն ու իր թիմին փրկել պարտությունից։
Այս հանդիպումից հետո B խմբում ստեղծվել է հետաքրքիր ու բացարձակ հավասար իրավիճակ. Շվեյցարիան ու Կատարը վաստակեցին իրենց առաջին միավորը, իսկ խմբի մյուս մասնակիցներ Բոսնիա և Հերցեգովինան ու Կանադան նույնպես իրենց ակտիվում ունեն մեկական միավոր։
Հաջորդ տուրում Շվեյցարիայի հավաքականը հունիսի 18-ին կմրցի Բոսնիայի և Հերցեգովինայի հետ, իսկ Կատարը հունիսի 19-ին ուժերը կչափի Կանադայի հետ։
Տեսանյութը՝ ԱՅՍՏԵՂ
B խմբի աղյուսակն ունի հետևյալ տեսքը
