Անգլիայի հավաքականի նախկին հարձակվող Ալան Շիրերը նշել է, թե ում է այս պահին համարում Անգլիայի Պրեմիեր լիգայի ընթացիկ մրցաշրջանի լավագույն ֆուտբոլիստը։
«Կարծում եմ՝ այս պահին մրցաշրջանի լավագույն ֆուտբոլիստը Էզրի Կոնսան է»,- հայտարարել է Շիրերը Betfair-ին տված հարցազրույցում։
29-ամյա պաշտպանը նախորդ ամռանը «Աստոն Վիլայից» տեղափոխվել է «Արսենալ»։ Նա բաց է թողել առաջնության ընդամենը մեկ հանդիպում և օգնել լոնդոնյան թիմին գլխավորել մրցաշարային աղյուսակը։
Շիրերը նշել է, որ Կոնսայի հաջող ելույթների շնորհիվ մեջքի վնասվածքից ապաքինվող Ուիլյամ Սալիբայի բացակայությունը գրեթե չի զգացվել։
«Եթե նայենք «Արսենալի» պաշտպանությունում ցուցադրած խաղին և Կոնսայի ելույթներին, ապա կտեսնենք, որ մենք գրեթե չենք հիշել Սալիբայի բացակայության մասին։ Նրա մասին սկսել ենք խոսել միայն վերջին երկու շաբաթվա ընթացքում, քանի որ այժմ բոլորը մտածում են, թե ինչպես է նա վերադառնալու մեկնարկային կազմ։ Կոնսան այնքան լավ է հանդես գալիս»,- ասել է Շիրերը։
Ֆուտբոլիստի տրանսֆերը «Արսենալին» արժեցել է մոտ 60 միլիոն եվրո։
