«Յուվենտուսի» նախագահ Անդրեա Անիելին կարծում է, որ Անգլիայի Պրեմիեր լիգան պետք է գնա մասնակից թիմերի թվի կրճատման՝ կապված Չեմպիոնների լիգայի նոր ձևաչափի հետ։
Անիելին գլխավորում է Եվրոպական ակումբների ասոցիացիան (ECA) և կողմ է 2024 թվականից Չեմպիոնների լիգայի մասնակիցների քանակը 32-ից 36 թիմերի ավելացնելուն: Միևնույն ժամանակ, նախատեսվում է Չեմպիոնների լիգայի խմբային փուլում թիմերից յուրաքանչյուրի համար հանդիպումների քանակը ավելացնել՝ 6-ից 10:
«Այն հավասարակշռությունը, որին մենք փորձում ենք հասնել, ասյպիսին է․ միջազգային խաղերը պետք է կազմեն թիմի բոլոր խաղերի 1/3-ը, իսկ ներքին ասպարեզում հանդիպումները՝ 2/3-ը: Մենք ունենք Անգլիայի նման երկրներ, որտեղ խաղերի առավելագույն քանակը մրցաշրջանում 53 կամ 54 է (առաջնության և գավաթային հանդիպումներ, խմբ․), իսկ Գերմանիայում ՝ 43: Այսպիսով, այստեղ անհրաժեշտ է հավասարակշռված մրցակցային միջավայր:
Մենք իսկապես կարծում ենք, որ թոփ լիգաներում 20 թիմ այս պահին չափազանց շատ է մրցակցային հաշվեկշռի համար: Սա տարր է, որի վրա պետք է աշխատել, ի շահ բոլոր կողմերի»,- մեջբերում է Անիելիին Sky Sports-ը: