Լեհաստանի Գդանսկ քաղաքում Եվրոպա Լիգայի գավաթի խաղարկության եզրափակչի շրջանակում «Վիլյառեալը» մրցեց «Մանչեսթեր Յունայթեդի» հետ:
Խաղն անցավ փոխնիփոխ հաջողություններով, սակայն 100 տոկոսանոց գոլային պահերը քիչ էին: Առաջին խաղակեսում «դեղինները» կարողացան առավելություն ստանալ: 29-րդ րոպեին Պարեխոյի փոխանցումից հետո Մորենեն առաջ մղեց իսպանական թիմին: Ամբողջ երկրորդ խաղակեսն անցավ «կարմիր սատանաների» առավելությամբ, սակայն միայն մեկ անգամ Սուլշերի թիմը կարողացավ գրավել մրցակցի դարպասը: 55-րդ րոպեին պատասխան գնդակը խփեց, ու ինչպես հետագայում պարզվեց, խաղի վերջակետը դրեց Կավանին՝ 1-1:
Հիմնական ժամանակն այդպես էլ ավարտվեց: Գոլեր չգրանցվեցին նաև լրացուցիչ ժամանակում, և խաղը տեղափոխվեց 11 մետրանոց «վիճակախաղ» հարվածաշար:
«Վիլյառեալից» դիպուկ էին Մորենոն, Ռաբան, Ալկասերը, Ա. Մորենոն, Պարեխոն, Գոմեսը, Ալբիոլը, Կոկլենը, Գասպարը, Տոռեսը, Ռուլին
«Մանչեսթեր Յունայթեդից» դիպուկ էին Մատան, Տելլեսը, Ֆերնանդեշը, Ռեշֆորդը, Կավանին, Ֆրեդը, Ջեյմսը, Շոուն, Տուանզեբեն, Լինդելյոֆը, վրիպեց Դե Խեան:
«Վիլյառեալը» հաղթեց ու իր պատմության ընթացքում առաջին անգամ տիրեց Եվրոպա Լիգայի գավաթին, իսկ Էմերին հաղթեց իր չորրորդ եզրափակիչը:
