Մեզնից շատերն են երազել ֆուտբոլիստ դառնալու մասին, երազում ունենալ այն, ինչ նրանք ունեն․․․բայց ի՞նչ ճանապարհ են անցել նրանք դառնալու համար այն, ինչ կան այսօր։ Ներկայացնում ենք Sports.ru կայքի բլոգեր MrShuler-ի անդրադարձը «Լիվերպուլի» եգիպտացի ֆուտբոլիստ Մոհամեդ Սալահի անցած ճանապարհին։
14 տարեկանում երիտասարդ Մոհամեդ Սալահին նկատեց եգիպտական «Էրաբ Կոնտրակտորս» ակումբը։ Թիմը տեղակայված էր Կահիրեում․ Մոհամեդի հայրենի Նագրիգ գյուղից այն 100 կիլոմետր հեռավորության վրա էր։
Շաբաթը 5 օր Սալահը առավոտյան ժամը 9-ին դուրս էր գալիս տնից ու գնում մարզման։ Ընդհանուր առմամբ, երկկողմանի ճանապարհը «Լիվերպուլի» ապագա աստղից ավելի քան 9 ժամ էր խլում։ Մոհամեդը տուն էր վերադառնում երեկոյան 10-ի կողմերը, որպեսզի հաջորդ օրը կրկնի նույն ուղևորությունը։
Ինքը Սալահը պատմում էր, որ հանուն ֆուտբոլիս ստիպված էր լինում շուտ դուրս գալ դպրոցից։ Սովորաբար, դպրոցի բոլոր առաջադրանքներն ավարտվում էին նրանով, որ Սալահն ուղղակի ցույց էր տալիս ակումբի կողմից տրված հատուկ թուղթը, որը թույլ էր տալիս բաց թողնել դասերը։
Սալահը հիշում է այդ շրջանը․ «Դա ուղղակի ավտոբուս նստել չէր․ ես 3, 4 կամ նույնիսկ 5 ավտոբուս էի փոխում, որ հասնեմ ֆուտբոլի։ Դժվար ժամանակներ էին, բայց ես երիտասարդ էի ու ուզում էի ֆուտբոլ խաղալ։ Ուզում էի հասնել փառքի, դառնալ յուրահատուկ մեկը։ Ո՛չ, չգիտեի՝ ապագան ինչպես կդասավորվի, բայց ես երազանք ունեի»։
Իսկ Սալահի ապագան ավելի լավ լինել չէր կարող․ երկու անգամ ԱՊԼ-ի լավագույն ռմբարկու, Չեմպիոնների լիգայի հաղթող, երկու անգամ Աֆրիկայի լավագույն խաղացող։ Տիտղոսներն ու նվաճումները դեռ երկար կարելի է շարունակել, բայց գլխավորն այն է, որ նա ինքնուրույն հասավ ամեն ինչի։
