Ֆրանսիական «Մոնակոն» պաշտոնապես հայտարարել է Ֆրանսիայի ազգային հավաքականի կազմում աշխարհի չեմպիոն Պոլ Պոգբայի հեռանալու մասին։ Այս մասին հաղորդում է մոնեգասկյան ակումբի մամուլի ծառայությունը։
Նշվում է, որ 33-ամյա ֆուտբոլիստի հետ գործող պայմանագիրը խզվել է կողմերի փոխադարձ համաձայնությամբ։ Նրա աշխատանքային համաձայնագիրն ակումբի հետ նախատեսված էր մինչև 2027 թվականի հունիսի 30-ը։
«Ակումբն իր խորին երախտագիտությունն է հայտնում աշխարհի 2018 թվականի չեմպիոնին՝ ցուցաբերած վստահության և «Մոնակոյում» գտնվելու ողջ ընթացքում դրսևորած բարձր պրոֆեսիոնալիզմի համար»,- ասված է պաշտոնական հաղորդագրության մեջ։
Իր հերթին անվանի կիսապաշտպանը շնորհակալություն է հայտնել «Մոնակոյին» վստահության համար և հաջողություն մաղթել թիմին։
Հիշեցնենք, որ 2024 թվականի փետրվարին ֆրանսիացին հակադոպինգային կանոնակարգը խախտելու պատճառով որակազրկվել էր չորս տարով, սակայն հետագայում Մարզական վճռաբեկ դատարանն այդ ժամկետը կրճատեց մինչև 1,5 տարի։
Նախորդ մեկ տարվա ընթացքում Պոգբան «Մոնակոյի» կազմում հասցրել է մասնակցել ընդամենը վեց հանդիպման։
