«Ալ Ահլիի» և Հայաստանի ազգային հավաքականի կիսապաշտպան Էդուարդ Սպերցյանը, որը հուլիսին «Կրասնոդարից» տեղափոխվեց Սաուդյան Արաբիա, կիսվել է նոր առաջնությունից ստացած տպավորություններով և նշել, թե համաշխարհային ֆուտբոլի որ աստղերի դեմ է ցանկանում խաղալ առաջիկայում։
«Կարծում եմ՝ սա քայլ առաջ է։ Սաուդյան Արաբիայի առաջնությունն այնքան էլ հեշտ չէ. այստեղ շատ են լավ թիմերն ու բարձրակարգ ֆուտբոլիստները։ Ուստի սա նոր մարտահրավեր է իմ կարիերայում, և ես պատրաստ եմ դրան:
«Ալ Ահլիում» մեծ փորձ ունեցող շատ ֆուտբոլիստներ կան: Մենք ունենք հիանալի ավագ ի դեմս Էդուարդ Մենդիի, և թիմում մթնոլորտը պարզապես հրաշալի է։ Շատ ուրախ եմ, որ նրանց հետ կիսում եմ հանդերձարանը, վստահ եմ՝ միասին շատ դրական պահեր կունենանք։ Ինչ վերաբերում է ինձ, ապա ես ամբողջ ուժերս կներդնեմ յուրաքանչյուր խաղում, որպեսզի տիտղոսներ նվաճենք։
Իսկ թե ո՞ւմ դեմ կցանկանայի խաղալ այստեղ… Կարիմ Բենզեմայի և Կրիշտիանու Ռոնալդուի»,- Սպերցյանի խոսքերն է փոխանցում Okko-ն։
Հիշեցնենք, որ հայ կիսապաշտպանն արդեն հասցրել է ապացուցել իր խոսքերը գործով և փայլուն մեկնարկել նոր ակումբում։ Օգոստոսի 13-ին նա իր նորամուտը նշեց Սաուդյան Արաբիայի Պրո-լիգայում՝ հաղթական գոլ խփելով «Ալ Դիրիայի» դարպասը (1:0): Իսկ օրեր անց Սպերցյանն իր հիանալի մարզավիճակը հաստատեց նաև Սաուդյան Արաբիայի գավաթի խաղարկությունում՝ «Ալ Անվարի» դեմ արտագնա խաղում (2:1) դառնալով գոլի և գոլային փոխանցման հեղինակ:
