Ավարտվեց Չեմպիոնների լիգայի 2025/2026 մրցաշրջանի կիսաեզրափակիչի պատասխան հանդիպումը, որում Մյունխենի «Բավարիան» սեփական հարկի տակ հյուրընկալել էր ֆրանսիական ՊՍԺ-ին։ «Մյունխեն Արենայում» կայացած խաղն ավարտվեց 1:1 հաշվով:
Հանդիպման հաշիվը բացվեց արդեն 3-րդ րոպեին. աչքի ընկավ փարիզցիների հարձակվող Ուսման Դեմբելեն։ Դաշտի տերերը կարողացան հավասարեցնել հաշիվը միայն հանդիպման հիմնական ժամանակին ավելացված 4-րդ րոպեին՝ Հարի Քեյնի խփած գոլի շնորհիվ:
Հիշեցնենք, որ թիմերի միջև կայացած առաջին խաղում ՊՍԺ-ն հաղթել էր գոլառատ 5:4 հաշվով։ Այսպիսով, երկու խաղերի ընդհանուր արդյունքով փարիզյան ակումբը նվաճեց Չեմպիոնների լիգայի եզրափակիչի ուղեգիր, որտեղ գլխավոր տիտղոսի համար կպայքարի Լոնդոնի «Արսենալի» հետ։
Նշենք նաև, որ մրցաշարի 1/4 եզրափակիչում ՊՍԺ-ն երկու խաղերի արդյունքում վստահորեն՝ 4:0 հաշվով դուրս էր թողել «Լիվերպուլին», իսկ մյունխենցիները 6:4 ընդհանուր հաշվով առավելության էին հասել Մադրիդի «Ռեալի» նկատմամբ։
Տեսանյութը՝ ԱՅՍՏԵՂ
