Հայաստանի ազգային հավաքականի նախկին դարպասապահ Ռոման Բերեզովսկին խոսել է Մոսկվայի «Լոկոմոտիվի» նախկին պաշտպան Նաիր Թիկնիզյանի կարիերայի մասին, որը ներկայումս հանդես է գալիս սերբական «Ցրվենա Զվեզդայում»։
«Նաիրի ակումբը նպատակ ունի որակավորվել Չեմպիոնների լիգայի խմբային փուլին։ Նրա դեպքում ամեն ինչ լավ է անցել։ Բայց Նաիրը գիտի, թե որքան դժվար է լքել քո հայրենի քաղաքը, քո ակումբը և տեղափոխվել մեկ այլ երկիր։ Դա մարտահրավեր է։ Նա ընդունեց այն, և մինչ այժմ ամեն ինչ լավ է ընթանում։ Նաիրը դառնում է իր ակումբի առաջատարներից մեկը։
Ես վաղուց ծանոթ եմ նրա կարողություններին Հայաստանի հավաքականում խաղալուց։ Նա ազգային հավաքականի լավագույն խաղացողներից մեկն է, ով խաղային պրակտիկա ունի։ Պատիվ և գովեստ Նաիրին, որ կարողացավ հաղթահարել դժվարությունները «Լոկոմոտիվի» հետ և անցավ Սերբիայում հարմարվելու փուլ։ Բայց կարծում եմ՝ ժամանակի ընթացքում Նաիրը ցանկանում է տեղափոխվել ավելի ուժեղ ակումբ։ Ի վերջո, «Ցրվենան» այդքան էլ ուժեղ չէ Եվրոպայում»,- ասել է Բերեզովսկին «Чемпионат»-ի հետ զրույցում։
Հիշեցնենք, որ «Ցրվենա Զվեզդան» 2025 թվականի հունիսի 22-ին հայտարարել էր Նաիր Թիկնիզյանի տրանսֆերի մասին։ 26-ամյա պաշտպանը սերբական ակումբի հետ կնքել է երեք տարվա պայմանագիր։
