🎥 Մեսսիի կինը նշել է, թե որ երազանքն է զոհաբերել հանուն ամուսնու

Անտոնելա Ռոկուցոն՝ Լիոնել Մեսսիի կինը, ով վերջերս դարձել է Adidas-ի պաշտոնական դեմքը, Grazia ամսագրին տված հարցազրույցում հայտարարել է, որ ստիպված է եղել հրաժարվել իր երազանքից՝ հանուն իր ամուսնու։ Ռոկուցոն նշել է, որ ստիված է եղել թողնել ուսումը՝ Արգենտինայից Բարսելոնա տեղափոխվելու համար։

Անտոնելան երազել է դառնալ ատամնաբույժ և սովորել է տեղի արգենտինական համալսարանում։ Կյանքն այդպիսի մեծ հեռավորության պատճառով նրան կանգնեցրել է ընտրության առջև։ Որոշումը կայացվել է հօգուտ Լեոյի։

Անտոնելան և Լեոն միասին են արդեն մոտ 20 տարի։ Նրանք ծանոթ են դեռ մանկուց, իսկ հարաբերությունները սկսվել են դեռևս դեռահաս տարիքում և այդ ժամանակից ի վեր նրանք անբաժան են։

 

Посмотреть эту публикацию в Instagram

 

Публикация от adidas Women (@adidaswomen)

Զույգը երեք որդի ունի, որոնցից ավագը՝ Տյագոն, արդեն գնում է հոր հետքերով՝ խաղալով «Ինտեր Մայամիի» մանկական թիմում։ Իր ակումբի հետ նա նույնիսկ մասնակցել է մանկական մրցաշարի Ռոսարիոյում՝ այն քաղաքում, որտեղ ծնվել են Լեոն ու Անտոնելան, խաղալով «Նյուելս Օլդ Բոյսի» դեմ՝ թիմ, որի երկրպագուն եղել է նրա հայրը փոքր տարիքում։

Վերջերս Լեոն և Անտոնելան նկարահանվել են Adidas-ի Essentials հավաքածուի գովազդային արշավում։