«Արսենալի» գլխավոր մարզիչ Միկել Արտետան մեկնաբանել է լոնդոնյան թիմի՝ Չեմպիոնների լիգայի քառորդ եզրափակիչ դուրս գալը։
«Ես շատ ուրախ եմ. 14 տարի է անցել այն պահից, երբ մենք վերջին անգամ դուրս ենք եկել քառորդ եզրափակիչ, ինչը շատ երկար ժամանակ է այնպիսի ակումբի համար, ինչպիսին «Արսենալն» է: Սա ապացույցն է այն բանի, թե դա որքան դժվար է: Այսօր մենք պետք է շատ աշխատեինք և սպասեինք կախարդական պահին, և այն եկավ: Ես շատ հպարտ եմ»,- սոցիալական ցանցերում Արտետայի խոսքերն է մեջբերում լրագրող Քոնոր Համը։
Չեմպիոնների լիգայի 1/8 եզրափակչի «Արսենալ»-«Պորտու» պատասխան խաղի հիմնական ժամանակն ավարտվել է տանտերերի՝ 1։0 հաշվով հաղթանակով։ Երկու հանդիպումների հանրագումարով (1:1) խաղը տեղափոխվել է լրացուցիչ ժամանակ որում թիմերը չեն կարողացել աչքի ընկնել խփած գնդակներով: Հաղթողը վճռվել է հետխաղյա 11-մետրանոց հարվածաշարում, որում ավելի ուժեղ են գտնվել «Արսենալի» ֆուտբոլիստները՝ 4:2:
