«Մանչեսթեր Սիթիի» գլխավոր մարզիչ Պեպ Գվարդիոլան խոսել է Անգլիայի Պրեմիեր լիգայի ընթացիկ մրցաշրջանում չեմպիոնական մրցավազքի մասին։
«Առաջնությունում ամեն ինչ կախված է մեզանից։ Մենք չենք կարող վերահսկել այն, ինչ անում են «Լիվերպուլը», «Արսենալը», «Աստոն Վիլան» և մյուս հավակնորդները: Առաջին հերթին մենք պետք է հոգ տանենք մեր մասին։ Պետք է հաղթել յուրաքանչյուր խաղում:
Կկարողանա՞նք կրկին հաղթել Պրեմիեր լիգան։ Չգիտեմ։ Այս փուլում մենք ավելի շատ միավորներ ունենք, քան մեկ տարի առաջ։ Տարբերությունն այն է, որ «Լիվերպուլը» շատ ավելի շատ միավոր ունի, քան մեկ տարի առաջ:
Երբ մրցակիցն այսպես է հանդես գալիս, կարելի է միայն շնորհավորել, էլ ի՞նչ ասես»,- Գվարդիոլայի խոսքերն է մեջբերում BBC-ն:
