Տոմաշ Կվյատկովսկին, որը աշխարհի առաջնության եզրափակիչի ժամանակ աշխատել է VAR համակարգի վրա, խոսել է հանդիպման ընթացքում կատարված աշխատանքի բարդության, ինչպես նաև մրցավարի մասնագիտության բարդությունների մասին։ Հիշեցնենք, որ ԱԱ 2022-ի եզրափակիչում Արգենտինան հետխաղային 11 մետրանոց հարվածաշարում հաղթեց Ֆրանսիային։ Հանդիպման հիմնական ժամանակն ավարտվել էր 2։2, իսկ լրացուցիչ ժամանակը՝ 3։3։
Խաղի ընթացքում 1 11 մետրանոց հարվածի իրավունք ստացել էր Արգենտինայի հավաքականը։ Այն դիպուկ էր իրացրել Լեո Մեսսին։ Ֆրանսիացիները 2 11 մետրանոց էին վաստակել, որոնք հստակ էր իրացրել Կիլիան Մբապպեն։
«Եթե վերլուծենք հանդիպման ընթացքում տեղի ունեցած իրադարձությունների քանակը, ապա գրանցվեց վեց գոլ, նաև հարձակման փուլում եղան «լարված» իրավիճակներ խաղից դուրս դեպքերի ժամանակ։ Ես երեք 11 մետրանոց ունեի, որոնք Շիմոնը Մարցինյակը շատ լհստակ ֆիքսել էր, երկու իրավիճակ՝ հնարավոր կարմիր քարտով և չափազանց բարդ սիմուլյացիա Թուրամի հետ։ Եվ հիշեք, որ երբեմն սիմուլյացիան համարժեք է 11 մետրանոցին։
Երբ նստում ես բազմոցին, գարեջուր խմում և չիպսեր ուտում, թվում է, թե ամեն ինչ պարզ է։ Բացի նշածս իրավիճակներից, կան նաև շատ մանրուքներ, որոնք օգնում են, օրինակ, արագորեն նշել համարը կամ տալ լուծման համար անհրաժեշտ մի փոքր հուշում։ Սրանք մեր աշխատանքի գաղտնիքներն են, որոնք ոչ բոլորին են հայտնի։ Շիմոնն ու խաղադաշտում գտնվող տղաներն արժանի էին ծափահարությունների։ Մարցինյակն այնքան կենտրոնացած էր, ճշգրիտ, բծախնդիր։ Բարեբախտաբար, մենք հաղորդումներ ենք ստացել, որ լավ աշխատանք ենք կատարել։ Հենց այդ ժամանակ հասկացանք, որ հիանալի ենք դատել հանդիպումը»,- Կվյատկովսկու խոսքն է մեջբերում Marca-ն։