Քաթարում աշխատող միգրանտները խոսել են 2022 թվականի աշխարհի առաջնության ժամանակ պայմանների և վճարումների մասին։
The Guardian-ը հոդված է հրապարակել՝ աշխատողների պատմություններով։
«Մեզ ասացին, որ այս ամիս կվճարեն, բայց նախկինում նույնն էին ասում։ Ես փող չունեմ, ինձ դժբախտ եմ զգում։
Մինչ այստեղ գալը մեզ ասացին, որ այստեղ ավելի լավ է, և որ քրտնաջան աշխատանքով կարող ես հասնել այն ամենին, ինչ ուզում ես։ Բայց դա ամենևին էլ այդպես չէ», — ասել է գանացի միգրանտ, որը հավաքարար է աշխատում առևտրի կենտրոնում:
Մեկ այլ աշխատող էլ խոսել է Կատարում աշխատանքային պայմանների մասին.
«Դա պարզապես մեծ բանտ է, որտեղ կարող ես աշխատել: Եթե մենք ընտրության հնարավորություն ունենայինք, ապա այստեղ չէինք լինի, և Կատարում գիտեն դա: Այն, ինչ մենք տեսնում ենք այստեղ, ժամանակակից ստրկությունն է:
Ընկերս այնքան վատ վիճակում էր այս ամենից, որ միակ տարբերակը եղավ նրան ուղարկել վերադասների մոտ և պնդել, որ տոմս պատվիրեն, որպեսզի նա վերադառնա տուն։ Նա հիանալի զգում իրեն, երբ առաջին անգամ եկավ այստեղ, բայց Կատարը փոխեց նրան: Ոչ բոլորն են դիմանում դրան»,- ասել է ուգանդացին, որն անվտանգության աշխատակից է:
Ուգանդացին պատմել է, որ աշխարհի առաջնությունից առաջ իր աշխատանքային օրը պաշտոնապես տևել է 12 ժամ, սակայն իրականում նա ստիպված է եղել արտաժամյա աշխատել՝ առանց հավելյալ վարձատրության։ Սպորտային միջոցառումներից մեկում նա պետք է աշխատեր մինչև վերջին հյուրերը հեռանան։ Հերթափոխն ավարտվել գիշերը՝ 02։00-ին, իսկ արդեն ժամը 05։00-ին նա պետք է վերադառնար աշխատանքի։
2022 թվականի աշխարհի առաջնության ժամանակ իր աշխատանքային օրը կրճատվել է մինչև 8 ժամ, և, ըստ նրա, դա օգնել է նրան, որպեսզի իրեն ավելի լավ զգա։
«Բողոքողների հետ պայմանագրերը խզվել են։ Այստեղ դուք ոչ մի կերպ չեք կարող վիճել իշխանությունների հետ։
Տեսնենք, թե ինչ կլինի հետո։ Վստահ եմ, որ աշխարհի առաջնությունից հետո ամեն ինչ կփոխվի, բայց ոչ դեպի լավը։ Ակնկալում եմ, որ ամեն ինչ կմնա նախկինի պես: 29-օրյա ժամկետը չի կարող փոխել այն, ինչ տեղի է ունեցել անցած հինգ-տասը տարիների ընթացքում»,- ասել է բանվորներից մեկը։
