Արգենտինայի ազգային հավաքականի գլխավոր մարզիչ Լիոնել Սկալոնին խիստ հուզական արձագանք է տվել Լիոնել Մեսսիի հեղինակած հեթ-տրիկին աշխարհի առաջնության խմբային փուլի՝ Ալժիրի դեմ խաղում (3-0):
«Ինտեր Մայամիի» 38-ամյա հարձակվողը հեղինակել է առաջին տուրի հանդիպման բոլոր երեք գոլերը: Երրորդ դիպուկ հարվածից անմիջապես հետո հեռարձակող տեսախցիկները ֆիքսել են «Ալբիսելեստեի» գլխավոր մարզչին՝ արցունքն աչքերին: Սկալոնիի հուզմունքն ակնհայտ էր նաև 80-րդ րոպեին, երբ նա արտասվելով գրկեց փոխարինման եկող հանդիպման հերոսին:
Նշենք, որ այս խաղից հետո Մեսսին իր գոլերի քանակն աշխարհի առաջնություններում հասցրել է 16-ի՝ այս բացարձակ ցուցանիշով հավասարվելով Գերմանիայի հավաքականի նախկին հարձակվող Միրոսլավ Կլոզեին և կիսելով մրցաշարի պատմության լավագույն ռմբարկուի կոչումը։ Բացի այդ, արգենտինացի լեգենդար ֆուտբոլիստը դարձել է մունդիալների պատմության ամենատարեց խաղացողը, որը հեթ-տրիկի հեղինակ է դարձել:
🇦🇷 Scaloni no pudo ocultar la emoción: el conmovedor abrazo con Messi que conmovió a todos
Una de las imágenes más emotivas de la noche tuvo como protagonistas a Lionel Scaloni y Lionel Messi. Cuando el capitán argentino dejó el campo de juego tras otra actuación memorable, el… pic.twitter.com/Vcf9VDSzUa
— Argentina Noticias (@argennoti) June 17, 2026
