Դորտմունդի «Բորուսիայի» գործադիր տնօրեն Հանս-Յոահիմ Վատցկեն ասել է, որ նախորդ ամառ «Ռեալը» կիսապաշտպան Ջուդ Բելինգհեմի համար վճարել է 103 միլիոն եվրոյից շատ ավելին։ Հիշեցնենք, որ մամուլը գրել էր, որ մադրիդյան թիմը հենց այս գումարով է ձեռք բերել անգլիացի կիսապաշտպանին։
«Ջուդը և Էրլինգը մեծ հետք են թողել ակումբի պատմության մեջ: Սրանք երկու տղաներ են, որոնց մենք իսկապես, իսկապես գնահատում ենք: Չկա գումար, որը կարող է փոխհատուցել նրանց կորուստը։ Բայց քանի որ պատահում է, որ դուք պետք է բաց թողնեք նրանց, դուք պետք է առավելագույնս օգտվեք դրանից: Ավելի քան 103 միլիոն եվրո՞. Շատ ավելին»,- Վատցկեի խոսքերն է մեջբերում իսպանական AS առցանց հրատարակությունը։
Ջուդ Բելինգհեմը Մադրիդի «Ռեալ» է տեղափոխվել 2023 թվականի ամառային տրանսֆերային պատուհանի ժամանակ։ Մադրիդյան թիմի կազմում իր նորամուտի մրցաշրջանում անգլիացին անհավանական խաղ է ցուցադրել և դարձել Անչելոտիի թիմի լավագույն խաղացողներից մեկը։
