Աշխարհի երկրորդ ռակետ Դանիլ Մեդվեդևը Դևիսի գավաթի խաղարկության ժամանակ Okko Sport-ին տված հարցազրույցում ասել է՝ հետևե՞լ է արդյոք «Ոսկե գնդակի» հանձնման արարողությանը։
«Այս տարի շատ վստահելի աղբյուրներում տեսա, որ, ամենայն հավանականությամբ, Մեսսին կհաղթի, բայց դեռ ինտրիգ կար։ Ես շատ բան չեմ ասի, թե ինչ եմ մտածում այս մասին, բայց կարծում եմ, որ Լևանդովսկին էր արժանի այս մրցանակին։
Ես ամբողջությամբ չգիտեմ, թե ինչպես է տեղի ունենում քվեարկությունը, բայց, որքան գիտեմ, քվեարկում են հավաքականների ավագներն ու մարզիչները, իսկ հետո՝ լրագրողները: Եվ նրանք պետք է ընտրեն լավագույն եռյակին. այսպիսով, ինչ-որ մեկը գտնվում է լավագույն եռյակում, քանի որ նա ինչ-որ մեկի ընկերն է կամ նրանք խաղում են նույն թիմում: Եվ հետո այս մարդը հայտնվում է լավագույն 30-ում:
Ես «Բավարիայի» երկրպագու եմ, և Թոմաս Մյուլլերը նախորդ մրցաշրջանում ամենաշատ գոլային փոխանցումն է կատարել: Բայց չհայտնվեց լավագույն 30-ում: Ինչպե՞ս կարող էր թոփ առաջնություններում ամենաշատ գոլային փոխանցում կատարած մարդը չհայտնվել աշխարհի լավագույն 30 խաղացողների ցուցակում: Դա պարզապես ռացիոնալ չէ: Ըստ այդմ, հարցեր են ծագում, թե արդյոք ռացիոնալ են բաշխված քվեները։
Ես ֆուտբոլիստ չեմ ու միգուցե ամեն ինչ սխալ եմ ասում։ Բայց ես տեսա մի նկար, որ Ալեքսիս Սանչեսը, իմ կարծիքով, 2016 թվականին 48 «գոլ + փոխանցում» է կատարել, հաղթել է Ամերիկայի գավաթը, «Արսենալի» հետ գրավել երրորդ տեղը (երկրորդը, խմբ․), սակայն չի հայտնվել նույնիսկ 30 թեկնածուների ցուցակում։ Մեսսին 50 գոլ + փոխանցում կատարեց, հաղթեց Ամերիկայի գավաթը, Բարսելոնայի հետ զբաղեցրեց երրորդ տեղը՝ և նվաճեց Ոսկե գնդակը։ Սանչեսի և Մեսսիի վիճակագրությունը նույնն է։
Իհարկե, այս ամենը շատ բարդ է: Բայց այստեղից էլ ծագում են վեճերը, և մենք սիրում ենք ֆուտբոլը»,- ասել է Մեդվեդևը:
