«Ռեդ Բուլի» ավտոարշավորդ Մաքս Ֆերստապենը խոսել է գալիք մրցաշրջանի մասին՝ գնահատելով իր թիմի շանսերը տիտղոսի համար։
«Այս մրցաշրջանի ընթացքում մենք շատ բան ենք սովորել։ Գիտենք, թե ինչն է լավ անցել, իսկ ինչը՝ վատ։ Ինչպես դուք ինքներդ տեսաք, մրցաշրջանի ավարտին «Ռեդ Բուլը» շատ ուժեղ էր։
Ես իսկապես մտածում եմ, որ մենք կարող ենք շատ լավ մեկնարկել նոր մրցաշրջանում ևս։ Մենք դարձյալ պայքարելու ենք տիտղոսի համար, ինչպես և միշտ։ Շանսե՞ր։ Երբեք չես կարող իմանալ, այնպես որ 50-50։ Կամ այո՛, կամ ո՛չ»,-Ֆերստապենի խոսքերն է մեջբերում Sky Sports-ը։
Առաջիկա հանգստյան օրերին կկայանա ընթացիկ մրցաշրջանի վերջին Գրան-Պրին։ Այն անցկացվելու է ԱՄԷ-ի մայրաքաղաք Աբու Դաբիում։