Ռուսաստանի Պրեմիեր Լիգայի ավարտին դեռ 4 տուր կա, սակայն արդեն հայտնի է աշխարհի՝ տարածքով ամենամեծ պետության չեմպիոնը․ «Զենիթն» իր պատմության մեջ 6-րդ անգամ նվաճեց ՌՊԼ-ի ոսկե մեդալները։
«Զենիթը» մնում է ՌՊԼ-ի զենիթում, սակայն առաջնությունում ինտրիգների մի փունջ դեռևս առկա է․ ո՞վ կխաղա եվրագավաթներում, ո՞վ կլիքի առաջնությունը և ընդհանրապես՝ ովքե՞ր են առաջնությունում լավագույնները ֆուտբոլիստների շրջանում․․․
🥇 Սպասելի չեմպիոնությունը
Սանկտ-Պետերբուրգի «Զենիթը» ՌՊԼ-ի 26-րդ տուրում 4-2 հաշվով հաղթեց «Կրասնոդարին» և դարձավ Ռուսաստանի չեմպիոն: Այսպիսով, «Զենիթը» պաշտպանեց նախորդ տարվա տիտղոսն ու իր պատմության ընթացքում 6-րդ անգամ նվաճեց ոսկե մեդալները:
Սանկտ-Պետերբուրգը ներկայացնող ակումբի համար սա չեմպիոնական տիտղոսի արդեն երկրորդ պաշտպանությունն էր: Չեմպիոնական տիտղոսների քանակով «Զենիթը» հավասարվեց ԲԿՄԱ-ին: Ավելի հաճախ Ռուսաստանի չեմպիոնությունը նվաճել է միայն Մոսկվայի «Սպարտակը»:
Դեռ առաջնության մեկնարկից առաջ արդեն իսկ շատ մասնագետների կողմից նշվում էր, որ առաջնության հիմնական ֆավորիտը «Զենիթն» է։ Դե ինչ՝ նրանք ճիշտ էին․ պետերբուրգյան ակումբը հերթական անգամ ապացուցեց, որ լավագույնն է։ Թե՛ կազմով, թե՛ ֆինանսական հնարավորություններով վերջին տարիներին «Զենիթն» ընդհանրապես լավագույններից է Արևելյան Եվրոպայում (Ուկրաինայի չեմպիոն «Շախտյորի» հետ միասին)։
Ահա թե ինչպես են դիմավորել «Զենիթի» ֆուտբոլիստներին ակումբի երկրպագուները․ երգեր, ճայթրուկներ, կապույտ դրոշներ․․․
💙✊ #ОпДавайДавай pic.twitter.com/NdYUfGV5aH
— ФК «Зенит» ✨ (@zenit_spb) July 6, 2020
С победой, Петербург pic.twitter.com/WafWChukTg
— Aleksandr Dorskii (@dorskiy) July 6, 2020
Ռուսաստանի Հյուսիսային մայրաքաղաքը այդ երեկո ամբողջովին կապույտ երանգն էր ստացել
Նաև կարմիր․․․
Իսկ թիմի մարզիչն ու ֆուտբոլիստները վայելում էին երկրպագուների ուրախությունն ու հերթական չեմպիոնությունը․․․
Ի դեպ, «Զենիթի» 44-ամյա գլխավոր մարզիչ Սերգեյ Սեմակը չեմպիոնության օրը նաև պապիկ դարձավ։ Այս մասին Instagram-ի իր էջում կատարած գրառմամբ հայտնել է Սեմակի կինը՝ Աննան: Երեխայի մայրը՝ 20-ամյա Մայան, Աննայի դուստրն է առաջին ամուսնությունից, բայց որպես հայր ընդունում է հենց Սեմակին: Սեմակը որդի ունի առաջին ամուսնությունից, 5 երեխա Աննայից և որդեգրած դուստր:
⚽ Եվրագավաթային ինտրիգներ
Չեմպիոնների լիգայի ուղեգրի համար (ՉԼ-ի ուղեգիր են ստանում լավագույն եռյակյում տեղ զբաղեցրած թիմերը) թեժ պայքար կընթանա 4 ակումբների միջև՝ «Լոկոմոտիվի», «Կրասնոդարի», «Ռոստովի» և ԲԿՄԱ-ի։ «Զենիթն» արդեն ՉԼ-ի խմբային փուլում է, որտեղ նրան կարող է միանալ «Լոկոմոտիվը»․ կհամարձակվեմ հենց «երկաթուղայիններին» համարել արծաթե մեդալների գլխավոր հավակնորդ՝ հաշվի առնելով թիմի ներկայիս մարզավիճակը և ոչ վատ հանդես գալը՝ նոր գլխավոր մարզիչ Նիկոլիչի գլխավորությամբ, ինչպես նաև մրցակիցների ոչ այդքան տպավորիչ ելույթները։ Իսկ ահա ՉԼ-ի երրորդ ուղեգիրը ո՞վ կստանա, դա էլ հենց գլխավոր ինտրիգներից մեկն է վերջին տուրերում։
Համենայն դեպս, «Կրասնոդար», «Ռոստով» և ԲԿՄԱ եռյակից մեկը կնվաճի այդ ուղեգիրը, իսկ մյուս երկուսը կուղևորվեն Եվրոպա Լիգա: Եվ եթե «Զենիթը» նվաճի նաև Ռուսաստանի գավաթը, ապա համառ պայքար է ակնկալվում նաև Եվրոպայի Լիգայի ուղեգիր տվող 6-րդ հորիզոնականի համար, որին տեսականորեն կարող են հավակնել 6-14-րդ տեղի թիմերը, քանի որ մրցաշարային աղյուսակի երկրորդ հատվածում թիմերի դասավորվածությունը բավականին խիտ է։ Ահա և ևս մեկ ինտրիգ․․․ Թեժ է լինելու🔥
Նույնը կարելի է ասել նաև առաջնությունը լքելու հավանակնության մասին։ Մրցաշարային աղյուսակի երկրորդ հատվածի մի քանի թիմ առաջնության արդյունքներով կարող է հայտնվել թե՛ եվրագավաթային գոտում, թե՛ աղյուսակի վերջնամասում։ Զուտ տեսականորեն, նույնիսկ «Սպարտակը» և «Դինամոն» 100%-ով չեն ապահովել իրենց տեղը ՌՊԼ-ի հաջորդ մրցաշրջանում․ նրանց բավական է մեկական հաղթանակ տանել վերջին 4 խաղերում և այդ թիմերը արդեն կարող են նախապատրաստվել հաջորդ մրցաշրջանին։ Սակայն, ամենայն հավանականությամբ, առաջնությունը կլքեն վերջին կվարտետից երկուսը։
Առաջնության ռմբարկուների ցուցակը գլխավորում է «Զենիթի» առաջատար Արտյոմ Ձյուբան, ում հաշվին 16 գոլ է։ Նրան հաջորդում են իր խաղընկեր Սերդար Ազմունը (13 գոլ) և «Արսենալի» հարձակվող Եվգենի Լուցենկոն (13 գոլ)։ Առաջնությունում գոլային փոխանցումների քանակով լավագույնը կրկին Ձյուբան է (11):