Պորտուգալիայի ազգային հավաքականի ֆուտբոլիստները յուրօրինակ հարգանքի տուրք են մատուցել թիմի լեգենդար ավագ Կրիշտիանու Ռոնալդուին, որն օրեր առաջ հայտարարեց միջազգային կարիերան ավարտելու մասին։
Ազգերի լիգայի խմբային փուլի 5-րդ տուրի՝ Դանիայի ընտրանու դեմ հանդիպման մեկնարկից առաջ պորտուգալացի ֆուտբոլիստները խաղադաշտ են դուրս եկել «7» համարի մարզաշապիկներով՝ ի պատիվ 41-ամյա ռմբարկուի։ Հանդիպումն այս պահին ընթանում է Բրագայի «Մունիսիպալ դե Բրագա» մարզադաշտում։
/i/j/i/1794685638122488587.jpg)
Հիշեցնենք, որ Կրիշտիանու Ռոնալդուն Պորտուգալիայի ազգային հավաքականում իր նորամուտը նշել էր դեռևս 2003 թվականի օգոստոսի 20-ին՝ 18 տարեկան հասակում փոխարինման դուրս գալով Ղազախստանի դեմ ընկերական խաղի (1:0) երկրորդ խաղակեսում։ Ընդհանուր առմամբ, ազգային թիմի մարզաշապիկով հարձակվողն անցկացրել է 234 հանդիպում՝ դառնալով 146 գոլի և 45 գոլային փոխանցման հեղինակ։ Հավաքականի կազմում նա դարձել է Եվրոպայի չեմպիոն (2016 թ․) և Ազգերի լիգայի կրկնակի հաղթող (2018/19, 2024/25 մրցաշրջաններ)։
