«Լիոնի» նախագահ Ժան-Միշել Օլան ասել է, որ ակումբը երկու դատական հայց է ներկայացրել Փարիզի վարչական դատարան՝ ընդդեմ Ֆրանսիայի Պրոֆեսիոնալ լիգայի (LFP)՝ Ֆրանսիայի ֆուտբոլի առաջնության վաղաժամկետ ավարտման կապակցությամբ: Այդ մասին հայտնում է L`Equipe թերթը:
Ապրիլի 30-ին, LFP-ի տնօրենների խորհուրդը որոշեց վաղաժամկետ դադարեցնել ֆուտբոլային մրցաշրջանը՝ կորոնավիրուսի համաճարակի պատճառով: Թիմերի վերջնական տեղերը որոշվել են ներկայիս մրցաշարային աղյուսակի համաձայն:
Արդյունքում, ՊՍԺ-ն պատմության մեջ իններորդ անգամ ճանաչվեց Ֆրանսիայի չեմպիոն: «Լիոնը» զբաղեցրեց յոթերորդ տեղը՝ 1997 թվականից ի վեր առաջին անգամ չկարողանալով մտնել եվրոպական մրցասպարեզ:
«Մենք վաղուց մտացում էինք, թե արդյոք պետք է նման միջոցներ ձեռնարկել: Արդյունքում «Լիոնի» տնօրենների խորհուրդը որոշեց երկու հայց ներկայացնել: Փողը մեզ համար գլխավորը չէ», – ասել է Օլան:
Առաջին դատական գործընթացը վերաբերում է մրցաշրջանի վաղ ավարտին: Օլյայի խոսքով՝ LFP- ի որոշումը հիմնված է Եվրոպական ֆուտբոլային ասոցիացիաների միության (ՈւԵՖԱ) առաջարկության վրա մինչև օգոստոսի 3-ը ազգային առաջնությունները ավարտելու մասին, ինչը համաճարակի պայմաններում անհնար համարվեց: «Լիոնի» նախագահը պնդում է, որ այս ամսաթիվը ՈՒԵՖԱ-ի պաշտոնական փաստաթղթերում չկա:
«Մենք կարող ենք վարչապետ Էդուարդ Ֆիլիպի և Առողջապահության նախարար Օլիվյե Վերանի հետ քննարկել բժշկական արձանագրությունը, որը հաստատվել է եվրոպական բոլոր երկրների կողմից: Ես կցանկանայի պարզել, արդյոք կա հնարավորություն շարունակել մրցաշրջանը», – ասել է Օլան:
Փարիզի Վարչական դատարան ներկայացրած երկրորդ դատական գործընթացը վերաբերում է Ֆրանսիայի առաջնության եզրափակիչ աղյուսակը որոշելու մեթոդներին:
Մրցաշրջանի արդյունքների հնարավորինս շուտ ամփոփումը չուշացավ․ ակումբների մրցաշրջանի արդյունքները կորոշվեն մրցաշարային աղյուսակի ներկայիս դասավորվածությամբ: Սա նշանակում է, որ 2019/20 մրցաշրջանում Ֆրանսիայի չեմպիոն է հռչակվում ՊՍԺ-ն: Չեմպիոնների լիգայում, բացի փարիզցիներից, կխաղան նաև «Մարսելը» և «Ռենը», որոնք համապատասխանաբար զբաղեցրել են 2-րդ և 3-րդ տեղերը:
Եվրոպա լիգայում Ֆրանսիան կներկայացնեն «Լիլը» (4-րդ տեղ), «Ռեյմսը» (5-րդ) և «Նիցցան» (6-րդ): «Ամյենը» (19-րդ) և «Թուլուզը» (20-րդ) դուրս են մնում առաջնությունից և հաջորդ մրցաշրջանում կմեկնարկեն արդեն Լիգա 2-ում:
Արժե նաև նշել, որ «Լիոնը» (7-րդ տեղ) 1997 թվականից ի վեր առաջին անգամ կմնա առանց եվրագավաթների:
