UFC-ի ամերիկացի մարտիկ Չեյզ Հուպերը մեկնաբանել է այն իրավիճակը, որում հայտնվել է ռուսաստանաբնակ հայ թեթևքաշային Արման Ծառուկյանը:
Ըստ Հուպերի՝ պրոմոուշենը պատժում է վարկանիշային աղյուսակի երկրորդ համարին Իսլամ Մախաչևի հետ տիտղոսային մենամարտի տապալման համար, թեև պաշտոնապես միջադեպը վերագրվել էր վնասվածքին:
Հիշեցնենք, որ վերջերս հայտնի դարձավ, որ ամառային մրցաշարում թեթև քաշային կարգի չեմպիոնական գոտու համար կպայքարեն Ջասթին Գեյջին և Իլիա Թոփուրիան, մինչդեռ Ծառուկյանը կրկին մնացել է առանց մենամարտի:
«Ես նույնիսկ չգիտեմ, թե ում հետ պետք է մենամարտի Արմանը: Դատելով ամեն ինչից՝ նրան ստիպում են տիտղոսին հասնել հնարավոր ամենաերկար ճանապարհով։ Դա կապված է այն դեպքի հետ, երբ նա հրաժարվեց Մախաչևի դեմ մենամարտից։ UFC-ում ձևացրին, թե Ծառուկյանը վնասվածք ունի, բայց հետո ասացին, որ նա քաշի հետ կապված խնդիրներ է ունեցել»,- Home of Fight-ին տված հարցազրույցում ասել է Հուպերը:
Ամերիկացի մարտիկը վստահ է, որ լիգայի ղեկավարությունը բարկացել է Ցարուկյանի վրա, քանի որ UFC-ում քաշ գցելու գործընթացն անցնում է մասնագետների խիստ վերահսկողության ներքո:
«Կարծում եմ՝ UFC-ում Ծառուկյանի վրա բարկացել են հենց դրա համար։ Երբ դու քաշ ես գցում, UFC-ի բժիշկներն ու դիետոլոգներն անընդհատ կապի մեջ են քեզ հետ: Ինձ թվում է՝ Ծառուկյանին չեն տա մենամարտ Փեդի Փիմբլեթի հետ, այնպես որ… Գուցե նրան առաջարկե՞ն տեղափոխվել կիսամիջին քաշային կարգ»,- հավելել է ամերիկացին:
Նշենք, որ Ծառուկյանը վերջին անգամ օկտագոն է դուրս եկել Դեն Հուկերի դեմ՝ 2025 թվականի նոյեմբերին Դոհայում (Կատար) կայացած UFC Fight Night 265 մրցաշարում: Այդ մենամարտն ավարտվեց Արմանի փայլուն հաղթանակով՝ երկրորդ ռաունդում կիրառված խեղդող հնարքի շնորհիվ: Նրա ակտիվում կա 23 հաղթանակ և 3 պարտություն:
