ՈւԵՖԱ Կոնֆերենցիաների լիգայի 2025/2026թթ․ խաղարկության որակավորման երրորդ փուլի պատասխան խաղում «Արարատ-Արմենիան» սեփական հարկի տակ զիջեց Պրահայի «Սպարտային» 1:2 հաշվով և դուրս մնաց հետագա պայքարից։
Մրցակցի գլխավոր մարզիչ Բրիան Պրիսկեն հետխաղյա մամուլի ասուլիսի ժամանակ նշել է, որ հետևելու է հայ ֆուտբոլիստներին։
— Անցյալ շաբաթ նշել էիք, որ Ձեզ հետաքրքրել են մրցակցի որոշ խաղացողներ։ Շարունակելու՞ եք հետևել նրանց։
— Չեմ կարող ասել, որ հիմա անմիջապես կգնենք որևէ խաղացողի, բայց, անշուշտ, կշարունակենք հետևել նրանց։ Վերջին երկու խաղերը մեզ համար շատ օգտակար փորձ էին։ Նրանք ունեն հիանալի մարզիչ՝ Տուլիպան, և թիմում բարձր որակ է նկատվում։ Համոզված եմ, որ նրանք կհասնեն հաջողությունների։ Իսկ թե ով է ինձ դուր եկել, դա կպահեմ գաղտնի (ժպտում է)։
