Զլատան Իբրահիմովիչը վայելում է կյանքը։ «Միլանի» նախկին աստղը մեկնել է Ինդոնեզիա՝ հանգստի։
Շվեդ ֆուտբոլիստը բնակություն է հաստատել Ինդոնեզիայի ամենաշքեղ հյուրանոցներից մեկում՝ Nihi-ում, որտեղ մեկ գիշերվա արժեքը կազմում է մոտ 1000 դոլար։
Զլատանը սոցիալական ցանցերում կիսվել է Բալիի Տիրտա Էմպուլ տաճարից արված լուսանկարներով, որտեղ նա մասնակցել է հնագույն ջրով մաքրագործման արարողության։ Այս ծեսը նպատակ ունի մաքրել մարմինն ու հոգին բացասական էներգիայից։
Տիրտա Էմպուլը Բալի կղզու ամենասրբազան հինդուիստական տաճարներից մեկն է՝ հայտնի իր սրբազան աղբյուրներում անցկացվող մաքրագործման արարողություններով։ Տաճարի անունը նշանակում է «սրբազան աղբյուր»։
