Մոսկվայի «Լոկոմոտիվի» պաշտպան Նաիր Թիկնիզյանի գործակալ Ալեքսանդր Կլյուևը «Матч ТВ»-ին հայտնել է, որ ակումբի հետ «նորմալ երկխոսություն է ընթանում» ֆուտբոլիստի պայմանագրի երկարաձգման վերաբերյալ։
Հայաստանի ազգային հավաքականի 25-ամյա ֆուտբոլիստի պայմանագրի ժամկետը «երկաթգծայինների» հետ ավարտվում է ընթացիկ մրցաշրջանից հետո։ Կլյուևը նշել է, որ բանակցությունները նորմալ ընթացք ունեն, սակայն մեկնաբանություններ չի տվել՝ արդյո՞ք Թիկնիզյանը կմնա ակումբում մինչև գարուն, թե կարող է հեռանալ ձմռանը։
Այնուամենայնիվ, ռուսական ԶԼՄ-ները վստահեցնում են, որ «Լոկոմոտիվը» մերժում է Թիկնիզյանի հանդեպ հետաքրքրվածություն ունեցող ակումբների առաջարկները։
Թիկնիզյանն ընթացիկ մրցաշրջանում մասնակցել է 16 խաղի՝ դառնալով 2 գոլի և 1 գոլային փոխանցման հեղինակ։
