Ամերիկացի Թոնի Ֆերգյուսոնը պահանջում է թեթև քաշային կարգում UFC-ի ռուսաստանցի չեմպիոն Խաբիբ Նուրմագոմեդովին զրկել տիտղոսից՝ մենամարտից հրաժարվելու մասին: Այս մասին հայտնում է ESPN-ը:
«Նուրմագոմեդովը շատ վախեցավ ու փախչեց մեզանից: Նա հիանալի գիտեր, թե ինչ է պետք անել, որպեսզի մենամարտը կայանա: UFC-ն պետք է զրկի նրան չեմպիոնական տիտղոսից»,- ասել է Ֆերգյուսոնը:
Նուրմագոմեդովը Instagram-ի իր էջում հայտնել է, որ Ֆերգյուսոնի հետ ապրիլի 18-ին նշանակված մենամարտը չի կայանա: Խաբիբը, որը հիմա գտնվում է Դագեստանում, նշել է, որ COVID-19-ի պայմաններում ԱՄՆ մեկնելն ու մենամարտն անցկացնելը նպատակահարմար չէ:
“The guy does not want to fight. He’s scared, he’s running, he should be stripped of his title.”@TonyFergusonXT gives @arielhelwani his reaction to Khabib's apparent withdrawal from #UFC249 on @SportsCenter pic.twitter.com/B1Sx2gPQq6
— ESPN MMA (@espnmma) April 1, 2020
Ֆերգյուսոնի և Նուրմագոմեդովի միջև մենամարտը պետք է կայանար UFC 249 մրցաշարի շրջանակում ապրիլի 18-ին Նյու-Յորքում, բայց կորոնավիրուսի պատճառով այն հետաձգվեց: MMAFighting-ի տեղեկություններով, մրցաշարը կարող է կայանալ նույն ժամկետում Ֆլորիդայում:
Նուրմագոմեդովի խոսքով, նա ընկերության ղեկավարությունից իմացել է, որ մրցաշարը 99% -ով կկայանա Աբու-Դաբիում: Մարտի կեսերին նա ԱՄՆ-ից մեկնել էր ԱՄԷ: Ընդ որում, Նուրմագոմեդովին թույլ չեն տվել երկիր՝ կորոնավիրուսի համաճարակի պատճառով:
Դրանից հետո մարզիկը մեկնեց Ռուսաստան. մարտի 28-ին Ռուսաստանի վարչապետ Միխայիլ Միշուստինը հրամայեց ամբողջությամբ փակել երկրի սահմանները: ԱՄՆ-ի նախագահ Դոնալդ Թրամփը երկրում արգելք սահմանեց՝ այլազգի քաղաքացիների մուտքի վերաբերյալ:
2015 թվականից ի վեր Նուրմագոմեդովի և Ֆերգյուսոնի միջև մենամարտը չեղարկվում է արդեն 5-րդ անգամ: Նախորդ 4 անգամները մենամարտը չեղարկվել է մարզիկներից մեկի առողջության հետ պայմանավորված:
Նուրմագոմեդովը թեթև քաշային կարգում UFC -ի չեմպիոնի տիտղոսը նվաճել է 2018 թվականի ապրիլին՝ հաղթելով ամերիկացի Էլ Յակվինտային: 2018 թվականի հոկտեմբերին նա պաշտպանել է տիտղոսը իռլանդացի Քոնոր Մաքգրեգորի հետ մենամարտում, իսկ 2019 թվականի սեպտեմբերին հաղթեց Դասթին Պորյեին ԱՄՆ-ից:
MMA-ում անցկացրած 28 մենամարտում Նուրմագոմեդովը 28 հաղթանակ է տարել:
