ՈւԵՖԱ-ն հրապարակել է այն մրցավարների ցուցակը, որոնք կաշխատեն Եվրոպայի 2024 թվականի առաջնության հանդիպումների ժամանակ։
Եվրո-2024-ին կաշխատեն երկուական մրցավարներ Ֆրանսիայից, Անգլիայից, Իտալիայից և Գերմանիայից, մնացած երկրները ներկայացված են մեկ մրցավարով:
Ցանկում ընդգրկված են՝ Արթուր Սոարեշ Դիաշը (Պորտուգալիա), Խեսուս Խիլ Մանսանոն (Իսպանիա), Մարկո Գիդան (Իտալիա), Իշտվան Կովաչը (Ռումինիա), Իվան Կրուզլյակը (Սլովակիա), Ֆրանսուա Լետեքսիեն (Ֆրանսիա), Դանի Մակելին (Հոլանդիա), Շիմոն Մարցինյակը (Լեհաստան), Հալիլ Ումուտ Մեհլերը (Թուրքիա), Գլեն Նայբերգը (Շվեդիա), Մայքլ Օլիվերը (Անգլիա), Դանիելե Օրսատոն (Իտալիա), Սանդրո Շերերը (Շվեյցարիա), Դանիել Զիբերտը (Գերմանիա), Էնթոնի Թեյլորը (Անգլիա), Կլեման Տուրպենը ( Ֆրանսիա), Սլավկո Վինչիչը (Սլովենիա) և Ֆելիքս Ցվայերը (Գերմանիա):
Բացի այդ, ՈՒԵՖԱ-ի և Հարավային Ամերիկայի ֆուտբոլի կոնֆեդերացիայի (ԿՈՆՄԵԲՈԼ-ի) համագործակցության շրջանակում արգենտինացի մրցավար Ֆակունդո Տելյոն նույնպես կաշխատի Եվրո-2024-ի ժամանակ։
Եվրոպայի 17-րդ առաջնությունը կանցկացվի Գերմանիայում 2024 թվականի հունիսի 14-ից հուլիսի 14-ը։ Եվրոյի հանդիպումները կհյուրընկալեն Գերմանիայի 10 քաղաքներ՝ Բեռլին, Դորտմունդ, Դյուսելդորֆ, Ֆրանկֆուրտ, Գելզենկիրխեն, Համբուրգ, Քյոլն, Լայպցիգ, Մյունխեն և Շտուտգարտ։
Մրցաշարի եզրափակիչը կկայանա հուլիսի 14-ին՝ Բեռլինի Օլիմպիական մարզադաշտում։
