«Կռիլյա Սովետովի» կիսապաշտպան Ալեքսանդր Կովալենկոն կիսվել է Ռուսաստանի հավաքականի ընդլայնված կազմում հայտնվելու տպավորություններով և պատմել, որ հայկական արմատներ ունենալու համար նրան հրավիրել են նաև Հայաստանի հավաքական։
«Ինձ դեռ ոչ ոք չի զանգել։ Հրավերի մաիսն իմացել եմ ինտերնետից, ինչպես բոլորը։ Տեսա ընդլայնված ցուցակն ու իմ նկարն այնտեղ։ Բայց այն նախնական է, այնպես որ դեռ հանգիստ եմ դրան վերաբերվում։ Իհարկե, հաճելի է, որ Վալերի Գեորգիևիչը և ազգային թիմի մարզչական շտաբն ինձ վրա ուշադրություն են դարձրել։ Ուրախացնող է, որ «Կռիլյա Սովետովից» միայն ես չեմ այդ ցուցակում։ Բոլոր ջանքերս կգործադրեմ, որ ամրապնդվեմ հավաքականի հիմնական կազմում։
Իհարկե, ինձ համար հետաքրքիր է հայտնվել հավաքականում, խաղալ դրա կազմում։ Կարևոր չէ՝ ինչ խաղ է։ Կարծում եմ՝ հավաքներ պարտադիր պետք է լինեն։ Պետք է նայել երիտասարդ խաղացողներին։
Ինձ առաջարկել են Հայաստանի քաղաքացիություն ստանալ ու հանդես գալ Հայաստանի հավաքականում։ Դիտարկո՞ւմ եմ նաև այդ տարբերակը։ Առանց մեկնաբանությունների»,- Կովալենկոյի խոսքերն է փոխանցում «Известия»-ն։
Հիշեցնենք, որ ավելի վաղ ՀՖՖ-ից հաստատել էին Կովալենկոյին հրավեր ուղարկելու մասին լուրը։