Այս պահին արդեն հայտնի են Քաթարում կայանալիք Աշխարհի առաջնության եզրափակիչ փուլի 32 մասնակիցներից 29-ը։
Այդ հավաքականներն են․
⚽ Եվրոպա՝ Անգլիա, Բելգիա, Գերմանիա, Դանիա, Իսպանիա, Նիդեռլանդներ, Լեհաստան, Պորտուգալիա, Սերբիա, Ֆրանսիա, Խորվաթիա, Շվեյցարիա:
⚽ Հարավային Ամերիկա՝ Արգենտինա, Բրազիլիա, Էկվադոր, Ուրուգվայ:
⚽ Աֆրիկա՝ Գանա, Թունիս, Մարոկկո, Սենեգալ, Կամերուն:
⚽ Ասիա՝ Իրան, Սաուդյան Արաբիա, Ճապոնիա, Հարավային Կորեա և Քաթար (որպես մրցաշարն ընդունող երկիր)
⚽ Հյուսիսային Ամերիկա՝ Կանադա, Մեքսիկա, ԱՄՆ
Եվս երկու ուղեգիր կխաղարկեն հետևյալ զույգերի հաղթողները․
⚽ Հարավային Ամերիկայի 5-րդ թիմ — Ասիայի 5-րդ թիմ
Պերու- ԱՄԷ կամ Ավստրալիա
⚽ Հս․ Ամերիկայի 4-րդ թիմ — Օվկիանիայի ներկայացուցիչ
Կոստա Ռիկա- Նոր Զելանդիա
⚽ Եվս մեկ ուղեգիր էլ կխաղարկվի Եվրոպայում․ Շոտլանդիա/Ուկրաինա զույգի հաղթողը ուղեգրի համար կպայքարի Ուելսի հետ։
✅ Եթե համառոտ, ապա գրեթե բոլոր կոնֆեդերացիաներից ԱԱ-ի ուղեգիր են ձեռք բերել այն հավաքականները, որոնք էլ համարվում էին այդ ուղեգրերի հիմնական հավակնորդները։ Անակնկալներ գրեթե չկան, եթե իհարկե հաշվի չառնենք Իտալիայի հավաքականի ֆիասկոն։ ԱԱ-2022-ին առաջին անգամ կմասնակցի Քաթարի հավաքականը՝ որպես մրցաշարն ընդունող երկիր։ Կանադան 36 տարի անց վերադառնում է ԱԱ, որն, ի դեպ, կլինի նրանց երկրորդ մասնակցությունը ֆուտբոլային գլխավոր տոնին։
Հայտնի են դարձել նաև ԱԱ-2022-ի վիճակահանության զամբյուղները․
Զամբյուղ 1՝ Քաթար, Բրազիլիա, Բելգիա, Ֆրանսիա, Արգենտինա, Անգլիա, Իսպանիա, Պորտուգալիա:
Զամբյուղ 2. Նիդեռլանդներ, Դանիա, Մեքսիկա, Գերմանիա, ԱՄՆ, Ուրուգվայ, Շվեյցարիա, Խորվաթիա:
Զամբյուղ 3. Սենեգալ, Իրան, Ճապոնիա, Մարոկկո, Սերբիա, Լեհաստան, Հրվ․Կորեա, Թունիս:
Զամբյուղ 4. Կանադա, Կամերուն, Էկվադոր, Սաուդյան Արաբիա, Գանա, գումարած որակավորման փլեյ-օֆֆի երեք հաղթողները՝ Ուելս/Շոտլանդիա/Ուկրաինա, Պերու/Ավստրալիա/ԱՄԷ, Կոստա Ռիկա/Նոր Զելանդիա:
ԱԱ-2022-ի խմբային փուլում 32 թիմերը կբաժանվեն 8 խմբի՝ յուրաքանչյուրում 4-ական թիմ։ Բացի եվրոպական հավաքականներից, միևնույն խմբում չեն կարող ընդգրկվել նույն կոնֆեդերացիան ներկայացնող հավաքականները։ Խմբում կարող են լինել Եվրոպայի մաքսիմում երկու ներկայացուցիչ և մեկական ներկայացուցիչ այլ կոնֆեդերացիաներից (Աֆրիկա, Ասիա, Հրվ․ Ամերիկա և այլն)։
Օրինակ՝ վիճակահանության արդյունքներով կարող է ձևավորվել այսպիսի խումբ․
1․ Բրազիլիա (առաջին զամբյուղից)
2․ Գերմանիա (երկրորդ զամբյուղից)
3․ Լեհաստան (երրորդ զամբյուղից)
4․ Գանա (չորրորդ զամբյուղից)
Նշենք, որ Աշխարհի առաջնության խմբային փուլի վիճակահանությունը կկայանա ապրիլի 1-ին։
✅ Ի դեպ, ՖԻՖԱ-ն կարող է փոխել 2022 թվականին Քաթարում կայանալիք Աշխարհի առաջնությանը մասնակցող հավաքականների հայտացուցակներում խաղացողների թիվը։ Այս մասին հայտնում է Reuters-ը։ Նշվում է, որ կազմակերպությունը նախատեսում է ընդլայնել թիմերի կազմը 23-ից 26 խաղացողի: Հավաքականների մարզիչներն այս հարցը կքննարկեն ուրբաթ օրը կայանալիք հանդիպմանը: ՖԻՖԱ-ն վերջնական որոշում կկայացնի մասնագետների կարծիքից հետո։
Եվ վերջում, առանձնացրել ենք նաև 11 աստղային ֆուտբոլիստների, որոնց չենք տեսնի ԱԱ-2022-ում։
11. Յան Օբլակ․ Սլովենիա
Վերջին տասնամյակի լավագույն դարպասապահներից մեկը Եվրոպայում։ Շատերը կարծում են, որ նրա բախտն այդքան էլ չի բերել հավաքականի հարցում, քանի որ նա պարբերաբար բաց է թողնում միջազգային խոշոր մրցաշարերը։
10. Պատրի Շիկ․ Չեխիա
Եվրո-2020-ի գլխավոր հերոսներից մեկը բաց կթողնի առաջիկա ԱԱ-ն։ Չեխիայի հավաքականում այժմ շատ են երիտասարդ հեռանկարային խաղացողները, այնպես որ, կարծում եմ, հաջորդ ընտրական փուլում այս հավաքականն ավելի հաջողակ կգտնվի։
9. Օբամեյանգ․ Գաբոն
Ինչպես և Օբլակի դեպքում, Օբան ևս հաճախակի բաց է թողնում խոշոր մրցաշարերը։ Միգուցե, ժամանակին նա պետք է ընտրեր Ֆրանսիայի հավաքակա՞նը։ Սակայն, ինչպես ինքն է նշում, նա երբեք չի փոշմանել հավաքականի ընտրության հարցում․․․
8. Ռիյադ Մարեզ․ Ալժիր
Ալժիրը շատ մոտ էր ԱԱ-ի ուղեգրին, սակայն Կամերունի հավաքականը դրամատիկ խաղում զրկեց Մարեզին և ընկերներին բաղձալի ուղեգրից։
7. Վիկտոր Օսիմեն․ Նիգերիա
Ներկայումս հիանալի մարզավիճակում գտնվող հարձակվողը ևս բաց կթողնի առաջիկա ԱԱ-ն։ Նիգերիան, ինչպես և Մարեզի Ալժիրը, շատ մոտ էր ուղեգրին, սակայն Գանան օրերս կայացած խաղում ավելի հաջողակ գտնվեց։
6. Լուիս Դիաս․ Կոլումբիա
Այս մրցաշրջանի գլխավոր բացահայտումներից մեկը ևս ԱԱ-ին կհետևի կողքից։ Կոլումբիայի և Չիլիի հավաքականները Հարավային Ամերիկայի գոտում թղթի վրա ավելի ակնհայտ ֆավորիտներ էին թվում ԱԱ ուղեգրի մրցավազքում, սակայն այս անգամ Էկվադորն ու Պերուն ավելի համառ գտնվեցին ընտրական փուլում։
5. Ֆրանկ Կեսիե․ Կոտ դ՛Իվուար
Վերջին քսանամյակում Աֆրիկայի ուժեղագույն հավաքականներից մեկը նույնիսկ չկարողացավ դուրս գալ ընտրական փուլի փլեյ-օֆֆ։ Կեսիե, Զահա, Ալլեր, Պեպե, Բոգա․․․ տաղանդավոր ֆուտբոլիստներով հարուստ այս հավաքականին ցավալի է չտեսնել նման խոշոր մրցաշարում։
4. Զլատան Իբրահիմովիչ. Շվեդիա
Զլատանն այս ընտարական փուլում վերադարձավ հավաքական՝ օգնելու իր թիմին դուրս գալ ԱԱ։ Իբրան շատ էր ցանկանում մասնակցել քաթարյան մրցաշարին, բայց․․․
3․ Դավիդ Ալաբա․ Ավստրիա
Ավստրիայի հավաքականը վերջին անգամ ԱԱ-ին մասնակցել է 1998 թվականին։ Ներկայիս հավաքականի հետ՝ Ալաբայի գլխավորությամբ, երկրպագուները մեծ սպասելիքներ էին կապում, բայց, միգուցե, այս սերունդն իր խոսքը կասի հաջորդ ընտրական փուլում։
2. Մոհամեդ Սալահ․ Եգիպտոս
Այս պահի դրությամբ մոլորակի ուժեղագույն ֆուտբոլիստներից մեկը ևս ԱԱ-ին կհետևի երկրպագուի կարգավիճակով։ Այս տարվա մեջ երկրորդ անգամ Մանեն («Լիվերպուլում» Սալահի խաղընկերը) և Սենեգալի հավաքականը Եգիպտոսին թողնում են ձեռնունայն․ նախ Աֆրիկայի գավաթի եզրափակչում, հիմա էլ նախընտրական փուլի փլեյ-օֆֆում, և հատկանշական է՝ երկու դեպքում էլ հետխաղյա 11-մետրանոցներով․․․
1․ Էրլինգ Հոլանդ․ Նորվեգիա
Եկեք այս դեպքում ոչինիչ չասեմ, բոլորդ էլ ամեն ինչ հասկանում եք, անցանք․․․
Բոնուս․ Իտալիայի հավաքական
Եվ որպես բոնուս՝ Իտալիայի հավաքական․ Կիեզա, Բարելա, Դոնարումա, Բոնուչի․․․ ոչ ոքի չենք ցանկանում առանձնացնել․․․ Առանց Եվրոպայի չեմպիոնների ԱԱ-ն կարծես թե լիարժեք չլինի, չնայած նրանք բացակայում էին նաև նախորդ խաղարկությունում․․․ Դե ինչ, հավանաբար, Իտալիայի նոր, ավելի ուժեղ կազմով ընտրանուն կտեսնենք արդեն հաջորդ ԱԱ-ում․․․ Կսպասենք… )))
Եվ վերջում, հիշեցնենք՝ Քաթարում կայանալիք Աշխարհի առաջնության եզրափակիչ փուլը կանցկացվի 2022 թվականի նոյեմբերի 21-ից դեկտեմբերի 18-ը։
