«Մանչեսթեր Յունայթեդի» և Պորտուգալիայի հավաքականի հարձակվող Կրիշտիանու Ռոնալդուն կիսվել է ԱԱ-2022-ի եզրափակիչ փուլ դուրս գալու համար փլեյ-օֆֆի իր սպասելիքներով։
«Բոլոր հայացքները 2022 թվականի Աշխարհի առաջնության վրա են.․․ Ինչպես միշտ, ես հպարտ եմ, որ ներկայացնում եմ Պորտուգալիան։ Մենք գիտակցում ենք, որ ճանապարհը հեշտ չի լինելու, մենք մեծ հարգանքով ենք վերաբերվում մրցակիցներին, ովքեր նույն նպատակն են հետապնդում, ինչ մենք։
Բայց մենք միասին պայքարելու ենք, որպեսզի Պորտուգալիան զբաղեցնի իր արժանի տեղը։ Եկեք անենք դա»,- գրել է Ռոնալդուն իր սոցցանցերում։
Պորտուգալիա-Թուրքիա հանդիպումը կկայանա մարտի 24-ին Պորտուում՝ Դրագաու մարզադաշտում։ Փլեյ-օֆֆի մրցաշարի եզրափակչում հաղթող թիմը կհանդիպի Իտալիա-Հյուսիսային Մակեդոնիա զույգի հաղթողի հետ։
