Մեկ օրվա ընթացքում երկու լատինամերիկուհիների շոուն YouTube-ում գրանցել է մոտ 57 միլիոն դիտում․․․ Ինչպե՞ս և ի՞նչ կապ ունի դա ամերիկյան ֆուտբոլի հետ․․․
Փետրվարի 2-ին Ֆլորիդայի «Hard Rock» մարզադաշտում, մեծ շուքով անցկացվեց «Super Bowl» Ամերիկյան ֆուտբոլի ազգային լիգայի 2019/2020 մրցաշրջանի վճռորոշ խաղը: Եզրափակչում հանդիպեցին Սան Ֆրանցիսկոյի «Ֆորթի Նայներսը»և «Կանզաս Սիթի Չիֆսը»։
«Կանզաս Սիթի Չիֆսը» հաղթեց 31:20 հաշվով ու նվաճեց Ազգային Ֆուտբոլային լիգայի գլխավոր մրցանակը: Հատկանշական էր այն, որ «Կանզաս Սիթի Չիֆսը» 50 տարիների ընթացքում առաջին անգամ է հաղթում «Super Bowl»-ը։
Այս անհավանական ու տպավորիչ խաղը դեռ ամենը չէր, ինչ տեղի ունեցավ այդ օրը «Super Bowl 2020»-ի ընթացքում։ Ամբողջ աշխարհը քննարկում է թե ի՞ նչն էր ավելի թեժ՝ Սան Ֆրանցիսկոյի «Ֆորթի Նայներսի» ու «Կանզաս Սիթի Չիֆսի» խաղը, թե՞ խաղակեսերի միջև ընդմիջման ընթացքում Շակիրայի և Ջենիֆեր Լոպեսի երգերն ու կրքոտ պարային համարները։
Նրանց կատարումները դրոշմվեցին «Super Bowl»-ի պատմության մեջ: Բացառապես բոլոր կայքերն ու հեռուստատեսությունները այս երկու աստղերի ելույթն անվանեցին շքեղ, կրքոտ ու տպավորիչ։
Առաջինը ելույթ ունեցավ Շակիրան: Երգչուհին կատարեց իր հիթային Whenever Wherever, She Wolf և Hips Not Lie երգերը, էլեկտրոնային կիթառ նվագեց, ցատկեց ամբոխի մեջ, նվագեց թմբուկների վրա ու պորտապար պարեց:
Իսկ հետո բեմի վրա հայտնվեց Ջենիֆեր Լոպեսը։ Նա կատարեց իր ամենահայտնի ստեղծագործությունները, ապշեցուցիչ պարային համարներ ցույց տվեց ու հիանալի կատարեց Let’s Get Loud երգը իր 11-ամյա դստեր`Էմմայի և մանկական երգչախմբի հետ, որը երգչուհու խոսքով «Ամերիկյան երազանքն» էր խորհրդանշում։
Ելույթը ավարտվեց Բրյուս Սփրինգսթինի «Born in the USA» երգով, որը Շակիրան և Ջենիֆեր Լոպեսը փայլուն կատարեցին:
Լատինամերիկուհիների շոուն արդեն պայթեցրել է համացանցը՝ դառնալով գիշերվա հիմնական մեմը (Լոպեսը 50 տարեկան է, Շակիրան՝ 43).
Երկու աստղերն էլ սոցիալական ցանցերում շնորհակալություն էին հայտնում իրենց երկրպագուներին, թիմին և միմյանց ՝ ցուցաբերած աջակցության համար: Լոպեսը խոստովանեց, որ դա ամենահզոր ու շքեղ բեմադրությունն էր, որն ինքը երբևէ կարող էր պատկերացնել: Իսկ Շակիրան, ով այդ օրը նշում էր իր ծննդյան 43-րդ տարեդարձը (փետրվարի 2-ին ծնվել է նաև նրա ամուսինը՝ ֆուտբոլիստ Ժերար Պիկեն), ասաց, որ այդ շոուն իր ծննդյան օրվա լավագույն նվերն էր:
Ի դեպ․․․
Տարվա գլխավոր խաղի ընթացքում միջին հաշվարկով սպառվում է 1 միլարդ հավի թևիկ, իսկ խաղի հեռարձակման ընթացքում գովազի մեկ վարկյանը արժե 183 հազար դոլար։
Իսկ «Hard Rock» մարզադաշտի բոլոր 65 հազար տեղերը զբաղեցված էին: Հեռուստատեսային վարկանիշները դեռ հայտնի չեն․․․ Բայց դժվար չէ կռահել, որ կլինեն ռեկորդային։
