Կանադահայ պրոֆեսիոնալ բռնցքամարտիկ Էրիկ Բազինյանը, որը 16 տարեկանից բնակվում է Կանադայում, ֆեյսբուքյան իր էջում բաց նամակով դիմել է ՀՀ բոլոր պաշտոնատար անձանց՝ խնդրելով դադարեցնել իր նկատմամբ քրեական հետապնդումն ու թույլ տալ վերադառնալ Հայաստան։
Ըստ բռնցքամարտիկի՝ խնդիրը նրանում է, որ ինքը, բնակվելով արտասահմանում, չի ծառայել ՀՀ զինված ուժերում և հիմա նրա նկատմամբ հետախուզություն է հայտարարված։
«Դիմում եմ Հայաստանի Հանրապետության բոլոր պաշտոնյաներին՝ խնդրանքով, որ ինձ հնարավորւթյուն տան՝ վերադառնալ հայրենիք: Պատրաստ եմ կատարել օրենքով սահմանված բոլոր ֆինանսական պարտավորություններս՝ ի փառս և ի հզորություն մեր բանակի»,- գրել է Էրիկը, որը թեև իր գործունեությունը ծավալում է Կանադայում, բայց միշտ հանդես է գալիս Հայաստանի Հանրապետության դրոշի ներքո:
