«Տոմի» կիսապաշտպան Մաքսիմ Կազանկովը խոսել է Ալեքսանդր Գրիգորյանի աշխատանքային մեթոդների մասին, ով աշխատել էր «Տամբովում»։
«Ալեքսանդր Վիտալիևիչը շատ օրիգինալ անձնավորություն է: Ես երևի այլևս նման մարդկանց չեմ հանդիպել: Դուք նրանից չեք ձանձրանա: Գրիգորյանը կարող էր թիմին տրամադրել, նա ունի ֆուտբոլի իր տեսլականը: Խաբարովսկում դա աշխատում էր, որովհետև մենք դուրս եկանք ՌՊԼ: Գրիգորյանի ներդրումը դրանում միանշանակ շատ մեծ էր, չնայած որ նա հեռացել էր վեց ամիս առաջ:
Գրիգորյանը կազմակերպում էր բռնցքամարտի սպարինգներ, ֆուտբոլիստները դնում էր միմյանց դեմ կամ մարզչական շտաբի մարդկանց դեմ: Կազանում, «Ռուբինի» հետ խաղից առաջ նա մեզ տվեց բառերը և մեզ խնդրեց երգ սովորել, որպեսզի խաղից առաջ կարողանանք նախաճաշին կամ ընթրելիս երգենք: Գրիգորյանին առաջին անգամ մեր երգը դուր չեկավ, նա խնդրեց, որ ես նորից երգեմ:Եղել են նաև պարային մարտեր և շատ ավելին: Նա մեզ հանգստացնում էր այս կերպ, և դա օգնում էր մեզ», — Կազանկովի խոսքերն է մեջբերում Sports.ru-ն:
