ՊՍԺ-ի գլխավոր մարզիչ Մաուրիսիո Պոչետինոն մեկնաբանել է Չեմպիոնների լիգայի կիսաեզրափակիչ դուրս գալը: Քառորդ եզրափակչի պատասխան խաղում փարիզյան ակումբը սեփական հարկի տակ պարտվեց «Բավարիային» (0:1), բայց առաջին խաղում արտագնա հաղթանակի շնորհիվ (3: 2) դուրս եկավ կիսաեզրափակիչ:
«Մենք ծայրաստիճան կենտրոնացած էինք: Իսկապես կոշտ հանդիպում էր: Ես շատ ուրախ եմ իմ խաղացողների համար, նրանք արժանի են լավ խոսքերի։ Կիսաեզրափակիչ դուրս գալը զարմանալի իրադարձություն է բոլորիս համար:
Դժվար է վայելել խաղը, երբ խաղադաշտի եզրին ես, բայց ես փորձում եմ դա անել: Ամեն անգամ դրսից թվում է, թե ես հանգիստ եմ պահում ինձ, բայց իմ ներսում ամեն ինչ խառնվում է: Սա այն ադրենալինն է, որը բոլորն այդքան շատ են սիրում: Այսօր մենք տեսանք ֆանտաստիկ հանդիպում:
Երբ ես տանը նստած էի առանց աշխատանքի, այս ադրենալինն էր պակասում ինձ: Իհարկե, ես նյարդայնանում էի, քանի որ խոսքը գլխավոր ակումբային մրցաշարի մասին է: Ես ներսից եռում էի», — մեջբերում է Պոչետինոյին ՈւԵՖԱ-ի պաշտոնական կայքը: