Tuttosport-ը անդրադարձել է Պոլ Պոգբայի՝ «Յուվենտուս» տեղափոխության թեմային:
Աղբյուրը հայտնում է, որ ֆրանսիացի կիսապաշտպանը հույս ուներ վերադառնալ «Յուվենտուս» այս ամառ, քանի որ բանակցությունները շարունակվել են հունվարից, բայց կորոնավիրուսի համաճարակը բարդացրել է իրավիճակը:
Tuttosport-ը ենթադրում է, որ «Յուվենտուսն» ու «Մանչեսթեր Յունայթեդը» չեն կարողացել համաձայնության գալ տրանսֆերի գումարի հարցում․ «կարմիրները» մերժել են մի քանի առաջարկներ կամ խաղացողների փոխանակման տարբերակներ:
Ըստ աղբյուրի՝ Պոգբան մտադիր է շարունակել աշխատել «Յունայթեդի» հետ իր գործող պայմանագրով մինչև 2022 թվականի հունիսի 30-ը, բայց ամեն ինչ կարող է փոխվել հունվարին:
Աղբուրը նշում է, որ ձմռանը Պոգբայի տրանսֆերային արժեքը կարող է նվազել, իսկ ֆուտբոլիստի՝ պայմանագրի երկարաձգման առաջարկի մերժումը կարող է հանգեցնել նրա տրանսֆերի վաճառքին՝ ՄՅՈւ-ի սահմանած ներկայիս 100 միլիոն եվրոյից ցածր գնով:
