«Սևանի» հետ ընկերական խաղում «Ուրարտուի» նիգերացի կիսապաշտպան Ուգոչուկվու Իվուն դուբլ ձևակերպեց ու մեկ անգամ էլ աչքի ընկավ գոլային փոխանցմամբ։ Խաղից հետո ակումբի մամուլի ծառայությունը զրուցել է նրա հետ։
«ՍԵՎԱՆԻ» ՀԵՏ ԽԱՂԻ ՄԱՍԻՆ
«Գեղեցիկ խաղ ստացվեց, թիմը կարողացավ լավ ֆուտբոլ ցուցադրել։ Այո, մրցակիցը Հայաստանի Առաջին խմբի առաջնությունից էր, բայց հավատացեք դա որևէ նշանակություն չունեցավ, որովհետև «Սևանն» էլ իսկապես լավ ֆուտբոլ էր խաղում»։
ԴՈՒԲԼԻ ՄԱՍԻՆ
«Լավ ստացվեց (ժպտում է)։ Նախկինում էլ նման գոլեր խփել եմ։ Նկատեցի ազատ տարածություն ու օգտագործեցի ընձեռնված հնարավորությունը»։
ՄԱՐԶԱՎԻՃԱԿԻ ՄԱՍԻՆ
«Հիմա կարող եմ ասել, որ արդեն հարմարվել եմ թիմին։ «Փյունիկի» հետ խաղում ինձ համար դժվար էր, որովհետև նոր էի միացել թիմին, ադապտացվելու ու թիմի խաղն ընկալելու խնդիր ունեի, բայց հիմա ամեն ինչ ավելի լավանում է, քայլ առ քայլ հասկանում եմ թիմի ձեռագիրն ու այն ամենն ինչ պահանջվում է ինձնից»։
«ՈՒՐԱՐՏՈՒՈՒՄ» ԱՆՑԿԱՑՐԱԾ 2-3 ՇԱԲԱԹՎԱ ՄԱՍԻՆ
«Ամեն ինչ այստեղ պրոֆեսիոնալ մակարդակի վրա է։ Ինձ այստեղ շատ լավ եմ զգում։ Ուրախ եմ, որ նման ակումբում եմ խաղում։ Հիմա միջազգային դադար է, ուստի շատ կարևոր էր, որ ստուգողական խաղեր անցկացրինք, որովհետև այդ խաղերը մեզ օգնեցին, որպեսզի մենք լավ մարզավիճակ ձեռք բերենք»։