Երկուշաբթի օրը ՝ հոկտեմբերի 14-ին, Պորտուգալիայի հավաքականը Կիևում 1-2 հաշվով պարտվեց Ուկրաինայի ընտրանուն: Պորտուգալացիների միակ գոլը հեղինակեց հավաքականի ավագ և առաջատար Ռոնալդուն: Ու չնայած պարզվեց, որ երեկոն տխուր է Պորտուգալիայի համար՝ Կրիշտիանուի համար այդ գոլը դարձավ յուրահատուկ. 700-րդը՝ պրոֆեսիոնալ կարիերայում:
«Ոչ բոլորն կարող են հասնել այդպիսի ցուցանիշի: Շնորհակալ եմ իմ թիմակիցներին և մարզիչներին, որոնք օգնեցին ինձ դառնալ այնպիսին, ինչպիսին ես կամ: Ես հիասթափված եմ, որ մենք չհաղթեցինք, բայց ես հպարտ եմ մեր թիմով: Ես չգիտեմ, թե քանի ռեկորդ ունեմ: Ես ռեկորդներ չեմ փնտրում, դրանք իրենք են գտնում ինձ…», — ասել է Ռոնալդուն իր անհատական նվաճման մասին։
— Ռոնալդուն կարիերայում իր 700-րդ գոլը խփեց 11-մետրանոցից:
— Ռոնալդուին անհրաժեշտ եղավ 973 հանդիպում՝ պրոֆեսիոնալ կարիերայի 700-րդ գոլը խփելու համար: Այսպիսով, միջին արդյունավետությունը յուրաքանչյուր խաղում կազմում է 0,72 գոլ: Դա ֆենոմենալ ցուցանիշ է:
— Ռոնալդուի համար սա Պորտուգալիայի հավաքականի կազմում 95-րդ գոլն էր: Ֆուտբոլի պատմության մեջ սա երկրորդ ցուցանիշն է՝ միջազգային ասպարեզում խփած գոլերի քանակի առումով: Ներկայումս Կրիշտիանուն հետ է մնում միայն իրանցի Ալի Դաեյից, որն իր հաշվին ունի 109 գոլ: Հինգ «Ոսկե գնդակի» դափնեկրի համար այդ ցուցանիշը գերազանցելը անհասանելի չի թվում:
Ռոնալդուն՝ «700-ի ակումբի» 6-րդ անդամ
Ըստ RSSSF Football վիճակագրական ֆոնդի՝ Կրիշտիանուն վեցերորդ խաղացողն է, որն իր կարիերայում հասավ 700 գոլի շեմին: Նշենք, որ այստեղ հաշվի են առնվում միայն պաշտոնական խաղերում խփված գնդակները:
Ռեկորդակիրները
Գոլերի բաշխումը՝ ըստ մրցաշարերի
4 հիմնական մրցաշար, որտեղ Ռոնալդուն փայլել է արդյունավետությամբ՝
- Լա Լիգա — 311 գոլ
- Չեմպիոնների Լիգա — 127
- ԱՊԼ — 84
- Ա Սերիա — 24
Ռոնալդուն առավելագույն թվով գոլեր հեղինակել է «Ռեալի» կազմում (450): 118 անգամ նա գոլ է խփել «Մանչեսթեր Յունայթեդի» մրցակիցներին: Պորտուգալիայի հավաքականի համար աչքի է ընկել 95 անգամ, «Յուվենտուսի» համար՝ 32, Լիսաբոնի «Սպորտինգի» համար՝ 5:
Պորտուգալացի հարձակվողի խաղերն ու գոլերը՝ ըստ տարիների
Գոլեր խփելու մեթոդները
Հաշվարկվել է, թե ում և շաբաթվա որ օրն է Ռոնալդուն ամենաշատ գոլը խփում: 34-ամյա հարձակվողի կարիերայում շաբաթվա ամենաարդյունավետ օրը շաբաթ օրն է ՝ 249 գոլ: Հետո ՝ կիրակի (144), չորեքշաբթի (140), երեքշաբթի (108), ուրբաթ (26), հինգշաբթի (17) և երկուշաբթի (16):
Իր աջ ոտքով Ռոնալդուն խփել է 442 գոլ, ձախով ՝ 129, գլխով ՝ 127:
- 54 գոլ Ռոնալդուն հեղինակել է տուգանային հարվածներ կատարելիս
- 113 գոլ՝ 11-մետրանոց իրացնելիս
- 533 գոլ՝ խաղային իրավիճակներից… Ընդ որում՝117-ը տուգանային հրապարակի մատույցներից, 416՝ տուգանային հրապարակից:
«Սևիլիան» ամենաշատն է տուժել Ռոնալդուից՝ 27 գոլ, իսկ նրան հետևում են՝ «Աթլետիկոն» (25), «Խետաֆեն» (23), «Սելտան» (20) և «Բարսելոնան» (18):
Գույնը ևս կարևոր է
CR7-ի երկրպագուները նույնիսկ հաշվարկել են, թե որ գույնի մարզաշապիկով է նա խփել ամենաշատ գոլերը: Առաջնայինը սպիտակն է՝ 395 գոլ: Այնուհետև կարմիրը`179, սևը՝ 40, կապույտը և սպիտակը`27, կապույտը` 20, կանաչը`13, մոխրագույնը` 8, նարնջագույնը և մանուշակագույնը` 5-ական, սպիտակ-կանաչը` 3, սև և դեղին և մուգ մոխրագույնները` 2-ական, մանուշակագույն՝ 1:
Ջորջինան ինստասթորիում Ռոնալդուին շնորհավորել է յուրօրինակ ձևով
Ռոնալդուի հարսնացու Ջորջինա Ռոդրիգեսը շնորհավորել է Ռոնալդուին կարիերայի 700-րդ գոլի առթիվ:
Ռոդրիգեսը հրապարակել է Ռոնալդուի լուսանկարը ՝ Ջեյմս Բոնդի կերպարով:
Հատկանշական է նաև, որ Ռոնալդուն պրոֆեսիոնալ կարիերայում իր առաջին գոլը խփել է հոկտեմբերին. 2002-ի աշնան երկրորդ ամսվա 7-ին նա դուբլի հեղինակ դարձավ «Մորեյրենսեի» դեմ խաղում ՝ այդ ժամանակ լինելով «Սպորտինգի» խաղացող:
17 տարի, մեկ շաբաթ և… 700 գոլ Կրիշտիանուի հաշվին…
Սա դեռ վերջը չէ…
Վարուժան Բաբայան
