UFC-ի թեթև քաշային կարգի չեմպիոն Խաբիբ Նուրմագոմեդովի մենեջեր Ռիզվան Մագոմեդովը խոսել է ռուսաստանցի մարզիկի և ամերիկացի Ջասթին Գեյջիի միջև մենամարտի հավանական ամսաթվի մասին:
«Մենք ունենք նախնական ժամկետներ, դա սեպտեմբերն է: Մարտի գտնվելու վայրը և ճշգրիտ ամսաթիվը դեռ հայտնի չեն: Ամեն ինչ դեռ անորոշ է, քանի որ մրցաշարերի քանակը դեռ հաստատված չէ: Կրկնում եմ, միայն մենամարտի մոտավոր օրն է հայտնի», — մեջբերում է Մագոմեդովին ТАСС-ը:
31-ամյա Գեյջին զբաղեցնում է UFC թեթև քաշային կարգի ժամանակավոր չեմպիոնի տիտղոսը: Մայիսին նա տեխնիկական նոկաուտով հաղթեց ամերիկացի Թոնի Ֆերգյուսոնին:
Հիշեցնենք, որ վերեջերս երկու քաշային կարգերում UFC-ի նախկին չեմպիոն Քոնոր Մաքգրեգորը հայտարարել է իր կարիերան ավարտելու մասին:
