«Լոս Անջելես Քլիփերս» թիմի գլխավոր մարզչի օգնական Ռեքս Կալամյանը տեսաուղերձ է հղել բասկետբոլի հայ երկրպագուներին: Հույս է հայտնել, որ շուտով բոլորը միասին կկարողանան հաղթահարել դժվարությունները և ամեն բան տեղը կընկնի.
«Հուսով եմ ՝ առողջ և անվտանգ եք այս անորոշ և աննախադեպ ժամանակներում: Բասկետբոլը համախմբել է բազմաթիվ հայերի ամբողջ աշխարհից: Երկարատև դադարից հետո ես պլանավորել էի այցելել Հայաստան այս ամառ՝ աշխատելու Հայաստանի տղամարդկանց և կանանց հավաքականների հետ, բայց, ցավոք, աշխարհում համաճարակի պատճառով այսօր մենք չենք կարող ճանապարհորդել: Օգտվելով հնարավորությունից ես կցանկանայի ողջունել հայկական բասկետբոլի ընտանիքի անդամներին: Վստահ եմ, որ միասին մենք կհաղթահարենք այդ դժվարությունները և ավելի ուժեղ կվերադառնանք»,-եզրափակել է Կալամյանը: