«Սոչիի» և Հայաստանի հավաքականի հարձակվող Ալեքսանդր Կարապետյանը պատմել է երկրպագուների ամենակոշտ քննադատության մասին:
«Մրցաշրջանի ավարտին, խաղալով Լյուքսեմբուրգի «Պրոգրեսի» կազմում, ես դարձա Եվրոպայի լավագույն ռմբարկուներից մեկը: Ես խփել էի 29 գոլ: Ինձ տանում էին ձեռքերի վրա, ամեն ինչ լավ էր: Մրցաշրջանը սկսվելուց առաջ ես ստիպված էի շատ ժամանակ ծախսել բիզնեսում խնդիրները լուծելու համար, դրա համար ես չէի կարող մարզվել նորմալ և պատրաստվել գալիք մրցաշարջանի մեկնարկին: Արդյունքում, նոր առաջնության սկիզբում ես ժամանակ չունեի մարզվելու, և իսկապես լավագույն մարզավիճակում չէի:
Անհաջող անցկացրեցի երեք խաղ: Աշխատում էի առավելագույնս, բայց չէի կարողանում գոլ խփել: Երկրպագուները միանգամից մոռացան այն ամենի մասին, ինչ եղել էր նախկինում: Նրանք բղավում էին տրիբունաներից. «Կարա, քեզ ի՞նչ է պատահել»: Եվ սա դեռ ամենալավ խոսքերն էին, որ հասնում էին ականջիս:
Ցավում եմ, որ մարդիկ ունեն նման կարճ հիշողություն: Անհանգստանում էի այդ առթիվ: Սպորտը անշնորհակալ գործ է: Այսօր նրանք գովաբանում են ձեզ, իսկ վաղը նրանք արդեն ատում են: Երկրպագուները ամենուր նույնն են: Պարզապես խաղից անմիջապես հետո մեկ երկրում 50 հոգի են ուզում խոսել քեզ հետ, մեկ այլ երկրում՝ 50 000»,- մեջբերում է Կարապետյանին Матч ТВ-ն:
