«Տոտենհեմի» պաշտպան Էնդրյու Ռոբերտսոնը դեմ է արտահայտվել «Մանչեսթեր Սիթիի» նվաճած տիտղոսներից հնարավոր զրկմանը՝ ընդգծելով, որ ակումբի ֆուտբոլիստները պատասխանատու չեն ղեկավարության գործողությունների համար։
«Ինձ համար «Մանչեսթեր Սիթիի» ֆուտբոլիստները խաղադաշտում ապացուցել են, որ բավականաչափ լավն են եղել։ Ես շատ բան չգիտեմ մեղադրանքների և նման հարցերի մասին, բայց նրանք անհավանական թիմ ունեին, որի դեմ ինձ դուր էր գալիս խաղալ։
Չեմ կարծում, որ նման իրավիճակներում ֆուտբոլիստները երբևէ մեղավոր են լինում։ Դա այն ամենն է, ինչի վրա կարող եմ կենտրոնանալ»,- ասել է Ռոբերտսոնը։
Ավելի վաղ անկախ հանձնաժողովը «Մանչեսթեր Սիթիին» մեղավոր էր ճանաչել ԱՊԼ-ի ֆինանսական կանոնների խախտման 115 դրվագներից 114-ում։ Ակումբի նկատմամբ վերջնական պատժամիջոցը դեռևս չի հայտարարվել։
Ռոբերտսոնը «Լիվերպուլի» կազմում երկու անգամ ավարտել է ԱՊԼ-ի մրցաշրջանը «Մանչեսթեր Սիթիից» հետո երկրորդ տեղով՝ 2018/19 մրցաշրջանում 97 միավորով՝ «Սիթիի» 98-ի դիմաց, իսկ 2021/22-ին՝ 92 միավորով՝ 93-ի դիմաց։
