Մադրիդի «Ռեալի» նախկին կիսապաշտպան Խամես Ռոդրիգեսը վերադարձել է հայրենիք և պայմանագիր կնքել «Ատլետիկո Նասիոնալի» հետ։ Մեդելին քաղաքը ներկայացնող ակումբն արդեն պաշտոնապես ներկայացրել է նորեկին իր երկրպագուներին։
Այսպիսով, Խամեսը հանդես կգա Կոլումբիայի բարձրագույն լիգայում՝ հայրենիքում խաղալու տարբերակն ավելի հեռանկարային համարելով, քան իտալական Բ Սերիայում «Ավելինոյի» գույները պաշտպանելը։
Նշվում է, որ «Ավելինոյի» ղեկավարությունը կոլումբիացուն առաջարկել էր «1+1» ձևաչափով պայմանագիր և Բ Սերիայի համար բավականին բարձր՝ տարեկան 1 միլիոն եվրո աշխատավարձ, սակայն ֆուտբոլիստը, ծանրութեթև անելով առաջարկը, շնորհակալություն է հայտնել իտալական ակումբին և մերժել այն։
Հավելենք, որ ներկա պահին «Ատլետիկո Նասիոնալը» Կոլումբիայի առաջնության մրցաշարային աղյուսակում զբաղեցնում է 5-րդ հորիզոնականը։
