Սանկտ Պետերբուրգի «Զենիթի» նախկին ֆուտբոլիստ Ալեքսեյ Ստրեպետովը Legalbet-ի հետ զրույցում խոսել է Մոսկվայի «Լոկոմոտիվի» ձախ կիսապաշտպան Նաիր Թիկնիզյանի ապագայի մասին։
«Զարմանալի է, թե ինչպես են վերաբերվում Թիկնիզյանին «Լոկոմոտիվում»։ Զարմանալի է նաև, որ նա կորցրել է տեղը հիմնական կազմում։ Մեզ մոտ կա վատ հատկանիշ՝ թե ղեկավարությունը, թե մեդիան ֆուտբոլիստներին կամ շատ են գովում, կամ ամբողջովին անտեսում են։ Եթե Թիկնիզյանը դառնա ազատ գործակալ, կարծում եմ՝ իր երազանքն իրականություն կդառնա՝ խաղալ Եվրոպայում։ Կարծում եմ՝ թե՛ ինքն, թե՛ իր գործակալը նպատակաուղղված են մեկնելու որևէ եվրոպական ակումբ։
«Զենիթը» հետաքրքրություն ունեցե՞լ է Թիկնիզյանի նկատմամբ։ «Զենիթում» կա Սանտոսը, ու այդ դիրքն ամրագրված է նրա հետևում։ Ձախ եզրում կա նաև Գորշկովը, իսկ Վոլկովը շուտով կվերադառնա վնասվածքից հետո։ Թիկնիզյանը պետք է այլ տարբերակներ դիտարկի։ Հիմա նաև նորաձև է մեկ մոսկովյան ակումբից մեկ այլ մոսկովյան ակումբ տեղափոխվելը։ Օրինակ՝ կան ԲԿՄԱ-ն կամ «Դինամոն», որոնք, անկասկած, հետևում են նրան», — ասել է Ստրեպետովը Legalbet-ի թղթակից Դմիտրի Բեբյակինին։
Ընթացիկ մրցաշրջանում Թիկնիզյանը «Լոկոմոտիվի» կազմում մասնակցել է 29 խաղի բոլոր մրցաշարերում, խփել է երկու գոլ և կատարել է մեկ գոլային փոխանցում։
Հայաստանի հավաքականի 25-ամյա ֆուտբոլիստի պայմանագիրն ուժի մեջ է մինչև 2026 թվականի հունիսի 30-ը։ Transfermarkt կայքը նրա տրանսֆերային արժեքը գնահատում է 6 միլիոն եվրո։
