«Գուանչժոու Էվերգրանդը» Չինաստանի ֆուտբոլային ասոցիացիայի կողմից 2025 թվականին երկրորդ դիվիզիոնում հանդես գալու արտոնագիր չի ստացել, հայտնում է Xinhua-ն։
Պատճառը ֆինանսական խնդիրներն ու կուտակված պարտքերն են։ Ակումբը չի կարողացել բավարար միջոցներ հայթայթել գոյությունը շարունակելու համար:
«Գուանչժոուն» 7 անգամ անընդմեջ հաղթել է Չինաստանի առաջնությունում՝ 2011-ից 2017 թվականներին, ինչպես նաև ևս մեկ անգամ երկրի չեմպիոնի կոչմանն արժանացել է 2019 թվականին։ 2022 թվականին ակումբը դուրս է մնացել բարձրագույն դիվիզիոնից։
Թիմը 2 հաղթանակ է տարել նաև ԱՖԿ Չեմպիոնների լիգայում՝ 2013 և 2015 թվականներին։ 2016 թվականին ակումբը ճանաչվել է ամենաթանկն աշխարհում։
