Ձեր ուշադրությանն ենք ներկայացնում միջազգային մամուլում վերջերս շրջանառվող գլխավոր ֆուտբոլային ինսայդները, տրանսֆերային շշուկները։
✅ Անգլիական «Բոնմուտում» հանդես եկող ուկրաինացի պաշտպան Իլյա Զաբարնին կարող է կարիերան շարունակել Մադրիդի «Ռեալի» կազմում, հայտնում է TodoFichajes-ը։
✅ Իսպանիայի հավաքականի կազմում Եվրոպայի չեմպիոն, «Ալ-Նասրի» պաշտպան Այմերիկ Լապորտը Մադրիդի «Ռեալի» գլխավոր մարզիչ Կարլո Անչելոտիի գլխավոր տրանսֆերային նպատակն է ձմեռային տրանսֆերային պատուհանի ժամանակ։ Այս մասին հայտնում է The Athletic-ը։
✅ «Մանչեսթեր Սիթին» երկար ժամանակով զրկվել է կիսապաշտպան Ռոդրի Էրնանդեսի ծառայություններից՝ ծնկի խաչաձև կապանների վնասվածքի պատճառով։ Այս առումով «քաղաքաբնակները» սկսել են փոխարինող փնտրել «Ոսկե գնդակի» դափնեկրին։ Ինչպես հայտնում է The Telegraph-ը, Անգլիայի չեմպիոնը հետաքրքրված է երկու ֆուտբոլիստներով։ Խոսքը «Ռեալ Սոսյեդադի» կիսապաշտպան Մարտին Սուբիմենդիի և «Ատալանտայի» ներկայացուցիչ Էդերսոնի մասին է։
✅ «Նապոլիի» և Վրաստանի հավաքականի կիսապաշտպան Խվիչա Կվարացխելիան շարունակում է մնալ Իսպանիայի առաջնության թոփ-ակումբների հետաքրքրությունների տիրույթում։ Ինչպես հայտնում է Todofichajes-ը, 23-ամյա վինգերը շարունակում է մնալ Մադրիդի «Ռեալի» և կատալոնական «Բարսելոնայի» դիտակետում։
✅ «Մանչեսթեր Սիթին», «Մանչեսթեր Յունայթեդը» և «Լիվերպուլը» հետաքրքրված են «Ատալանտայի» պաշտպան Մատեո Ռուջիերի ծառայություններով, հայտնում է Transfer News Live-ը։
✅ Football Insider. «Աստոն Վիլան» հետաքրքրված է «Վերդերի» և Ավստրիայի հավաքականի ֆուտբոլիստ Ռոմանո Շմիտդի ծառայություններով։
✅ РБ Спорт-ի տեղեկություններով, «Լոկոմոտիվի» և Հայաստանի հավաքականի պաշտպան Նաիր Թիկնիզյանը կարող է իր կարիերան շարունակել Ֆրանսիայի առաջնությունում: 25-ամյա հայ ֆուտբոլիստով հետաքրքրված է «Լանսը»: Նշենք, որ ֆրանսիական ակումբի նախագահը հայկական ծագում ունեցող գործարար Ժոզեֆ Մարի Ուգուրլյանն է, ով նախորդ մրցաշրջանում ցանկանում էր թիմ հրավիրել «Կրասնոդարի» և Հայաստանի ընտրանու կիսապաշտպան Էդուարդ Սպերցյանին:
✅ «Բարսելոնայի» տնօրենների խորհուրդը կողմ է քվեարկել թիմի հոլանդացի կիսապաշտպան Ֆրենկի դե Յոնգի տրանսֆերը վաճառելուն։ Այս մասին հայտնում է Sport.es-ը։
✅ «Յուվենտուսը» «Մանչեսթեր Յունայթեդին» առաջարկել է փոխանակել հարձակվող Ջոշուա Զիրկզեին երկու բրազիլացի ֆուտբոլիստների՝ Դուգլաս Լուիսի և Դանիլոյի հետ: Իտալական Calciomercato հրատարակության համաձայն՝ «Յուվենտուսի» մարզիչ Տիագո Մոտան ցանկանում է իր թիմ հրավիրել Ջոշուային, ում հետ նա աշխատել է «Բոլոնիայում»։
Շարքի նախորդ նյութերը․
➡️ Հանսի Ֆլիկի նոր տրանսֆերային նպատակը, Լևանդովսկին կարո՞ղ է փոխել ակումբը․ Տրանսֆերային անցուդարձ
➡️ Ռեալի նախկին ֆուտբոլիստը՝ ԱՊԼ-ո՞ւմ, ՄՅՈւ-ն մեծ շոփինգ է նախատեսում․ Տրանսֆերային անցուդարձ
➡️ Բարսայի ֆուտբոլիստները կտեղափոխվե՞ն ԱՊԼ, ՄՅՈՒ-ն կփորձի խառնել Ռեալի ծրագրերը․ Տրանսֆերային անցուդարձ
