Ռեալի ու Բարսայի ֆուտբոլիստները՝ այլ ակումբների դիտակետում, Նեյմարը հնարավոր է փոխի ակումբային գրանցումը․ Տրանսֆերային անցուդարձ

Ձեր ուշադրությանն ենք ներկայացնում միջազգային մամուլում վերջերս շրջանառվող գլխավոր ֆուտբոլային ինսայդները, տրանսֆերային շշուկները։

✅ Fichajes․ «Քրիսթալ Փելասի» հարձակվող Ժան Ֆիլիպ Մատեն կարող է կարիերան շարունակել «Լիվերպուլում»։

✅ «Բրենտֆորդը» 50 միլիոն ֆունտ ստեռլինգ է պահանջում թիմի առաջատար Բրայան Մբեումոյի տրանսֆերի համար: Այդ մասին հայտնում է TransferNewsLive-ը։ Նշվում է, որ նա գրավել է այնպիսի ակումբերի ուշադրությունը, ինչպիսիք են «Արսենալը», «Լիվերպուլը» և «Նյուքասլը»:

✅ Պաշտոնական․ «Նյուքասլը» հայտարարել է Թբիլիսիի «Դինամոյի» հարձակվող Վախթանգ Սալիայի տեղափոխության մասին։ Ֆուտբոլիստի հետ պայմանագիրը, որի ժամկետը չի նշվում, ուժի մեջ կմտնի հաջորդ ամառ։

✅ ՊՍԺ-ն չափազանց հետաքրքրված է Մադրիդի «Ռեալի» 24-ամյա վինգեր Վինիսիուս Ժունիորին ձեռք բերելու հնարավորությամբ։ Այս մասին հայտնում է Relevo-ն։ Աղբյուրի համաձայն՝ ֆրանսիական ակումբի նախագահ Նասեր Ալ-Խելաիֆին ցանկանում է վրեժխնդիր լինել Արքայական ակումբից՝ անցյալ ամառ ՊՍԺ-ից հարձակվող Կիլիան Մբապեի տեղափոխության համար։ Ֆուտբոլիստի ծառայություններով հետաքրքրված է նաև Սաուդյան Արաբիան ներկայացնող «Ալ Հիլալը», ինչպես նաև «Մանչեսթեր Յունայթեդը» և «Չելսին»։

✅ Ինչպես հաղորդում է Transfer News Live-ը՝, ՊՍԺ-ն նաև պատրաստ է 100 միլիոն եվրո առաջարկել «Բարսելոնայի» պաշտպան Ժյուլ Կունդեի տեղափոխության համար։

✅ Transfer News. «Լիվերպուլը» հետաքրքրված է «Ատլետիկոյի» կիսապաշտպան Պաբլո Բարիոսի ծառայություններով։

✅ «Արսենալի» դարպասապահ Կարլ Հեյնը, ով վարձավճարով հանդես է գալիս «Վալյադոլիդում», ամառային տրանսֆերային պատուհանի ընթացքում կարող է փոխել ակումբը։ Ինչպես հայտնում է Football Insider-ը, էստոնացի ֆուտբոլիստի ծառայություններով հետաքրքրված է «Տոտենհեմը»:

✅ «Լիվերպուլը» ցանկանում է ուժեղացնել կազմը առաջիկա ձմռանը, որպեսզի մեծացնի չեմպիոնությունը նվաճելու իր հնարավորությունները: Այս համատեքստում մերսիսայդցիները հետաքրքրություն են ցուցաբերում Մադրիդի «Ռեալի» հենակետային կիսապաշտպան Օրելիեն Չուամենիի նկատմամբ։ Այս մասին հայտնում է TEAMtalk-ը։

✅ Ինչպես հաղորդում է Transfer News Live-ը, «Վեսթ Հեմը» մտադիր է ձեռք բերել «Սանդերլենդի» կիսապաշտպան Ջոբ Բելինգհեմի տրանսֆերը։

✅ Transfer News. «Տոտենհեմը» հետաքրքրված է «Բրայթոնի» կիսապաշտպան Կարլոս Բալեբայի ծառայություններով։

✅ Բրազիլացի հարձակվող Նեյմարը, ով հայտնի է «Բարսելոնայում» և ՊՍԺ-ում իր ելույթներով, կարող է Սաուդյան Արաբիայից տեղափոխվել ԱՄՆ։ Հարձակվողի նոր ակումբը կարող է լինել «Ինտեր Մայամին», հայտնում է Todofichajes-ը։

✅ Mondo Deportivo. «Բարսելոնան» հետևում է «Միլանի» վինգեր Ռաֆայել Լեաու շուրջ ստեղծված իրավիճակին։

✅ El Nacional. «Բարսելոնան» և «Բավարիան» հետաքրքրված են «Պորտուի» դարպասապահ Դիեգու Կոշտայի ծառայություններով։

✅ Football Insaider. «Չելսին» դիտարկում է «Բորուսիայի» վինգեր Կարիմ Ադեյեմիի տրանսֆերը ձևակերպելու տարբերակը։