Ձեր ուշադրությանն ենք ներկայացնում միջազգային մամուլում վերջերս շրջանառվող գլխավոր ֆուտբոլային ինսայդները, տրանսֆերային շշուկները։
✅ Fichajes. Պորտուգալական «Սպորտինգի» կենտրոնական հարձակվող Վիկտոր Գյոկերեշը կարող է կարիերան շարունակել Լոնդոնի «Չելսիում»։ Աղբյուրի փոխանցմամբ՝ այս պահին տրանսֆերային մրցավազքում առաջատարը «Չելսին» է։
✅ Մյունխենի «Բավարիայի» վինգեր Լերոյ Սանեի ապագայի մասին նոր տեղեկություններ են հայտնվել։ CaughtOffside-ը հայտնում է, որ Սանեն չի ցանկանում տեղափոխվել «Մանչեսթեր Յունայթեդ», որն ակտիվորեն հետաքրքրված է նրա ծառայություններով։ Ըստ աղբյուրի, եթե Սանեն իսկապես հեռանա «Բավարիայից», ապա դա կլինի միայն Լոնդոնի «Արսենալ» տեղափոխվելու համար:
✅ Թուրինի «Յուվենտուսը» հետաքրքրված է ֆրանսիական «Ռեյմսի» ճապոնացի կիսապաշտպան Կեյտո Նակամուրայի ծառայություներով, հայտնում է Japanese Football-ը։ Իր հերթին JuveMedia-ն նշում է, որ Թիմոթի Վեայի ու Վեսթոն Մակքենիի հաջող ելույթներից հետո, թուրինյան գրանդը որոշել է հյուսիսամերիկյան շուկայի հետ միասին հայացքն ուղղել նաև ասիական ֆուտբոլը։ 24-ամյա վինգերի տրանսֆերին հավակնում է նաև «Մարսելը»․ ֆուտբոլիստին իր թիմի կազմում է ցանկանում տեսնել թիմի մարզիչ Ռոբերտո դե Զերբին։ Դորտմունդի «Բորուսիան» ևս հետաքրքրված է Նակամուրայի ծառայություներով։
✅ Gazzetta dello Sport. «Յուվենտուսը» պատրաստվում է նաև ուժեղացնել պաշտպանությունը։ Թուրինյան ակումբը հետաքրքրված է «Ֆուլհեմի» պաշտպան Յոակիմ Անդերսենի ծառայություններով։ Բացի Անդերսենից ակումբը ցանկանում է ձեռք բերել նաև «Չելսիի» պաշտպան Բենուա Բադիաշիլեին։
✅ Եվս մեկ շշուկ՝ կապված «Յուվենտուսի» հետ․ «Մանչեսթեր Յունայթեդի» հարձակվող Ջոշուա Զիրկզեն կարող է վերադառնալ իտալական Ա Սերիա: Ինչպես հայտնում է TuttoSport-ը, «Յուվենտուսը» կարող է հունվարին փորձել ձեռք բերել Զիրկզեին:
✅ TeamTalk-ը հայտնում է, որ Հարի Մագուայրը, ում պայմանագիրը ՄՅՈւ-ի նախատեսված է մինչև 2025 թվականի հունիսը, մոտ ապագայում կլքի «Օլդ Թրաֆորդը»: Ինչպես հաղորդում է Corriere dello Sport-ը, «Յուվենտուսը» դիտարկում է փորձառու պաշտպանին արդեն հունվարին ձեռք բերելու տարբերակը:
✅ «Բարսելոնայի» վինգեր Ռաֆինյա Դիասը կարող է կարիերան շարունակել Լոնդոնի «Արսենալում»: Ավելի վաղ հայտնի էր դարձել, որ լոնդոնյան ակումբն արդեն կապ է հաստատել կատալոնացիների հետ, սակայն պաշտոնական առաջարկ դեռ չի արել։ El Nacional-ը հայտնում է, որ «Արսենալը» պատրաստ է 90 միլիոն եվրո վճարել 27-ամյա բրազիլացու տրանսֆերի համար։
✅ «Արսենալի» հարձակվող Գաբրիել Ժեզուսը կարող է կարիերան շարունակել Իսպանիայի առաջնությունում։ Այս մասին հաղորդում է Todofichajes-ը։ Աղբյուրի համաձայն՝ բրազիլացի հարձակվողի տրանսֆերով հետաքրքրված է Մադրիդի «Ատլետիկոն»։
✅ Հարձակվող Էնդրիկը «Ռեալում» քիչ խաղաժամանակ է ստանում. մադրիդյան ակումբը դիտարկում է տաղանդավոր բրազիլացու՝ վարձավճարով մեկ այլ թիմ տեղափոխվելու հնարավորությունը, որտեղ նա պարբերաբար դուրս կգա խաղադաշտ։ Ըստ Super Deporte-ի՝ 18-ամյա Էնդրիկի նկատմամբ հետաքրքրություն է ցուցաբերում «Վալյադոլիդը», որի սեփականատերը Մադրիդի «Ռեալի» նախկին ֆուտբոլիստ Ռոնալդոն է։
Շարքի նախորդ նյութերը․
➡️ Հանսի Ֆլիկի նոր տրանսֆերային նպատակը, Լևանդովսկին կարո՞ղ է փոխել ակումբը․ Տրանսֆերային անցուդարձ
➡️ Ռեալի նախկին ֆուտբոլիստը՝ ԱՊԼ-ո՞ւմ, ՄՅՈւ-ն մեծ շոփինգ է նախատեսում․ Տրանսֆերային անցուդարձ
➡️ Բարսայի ֆուտբոլիստները կտեղափոխվե՞ն ԱՊԼ, ՄՅՈՒ-ն կփորձի խառնել Ռեալի ծրագրերը․ Տրանսֆերային անցուդարձ
